ભાવુક / પોતાની નવી ફિલ્મનાં સ્ક્રિનિંગમાં રોઈ પડયો આમિર ખાન, આ અભિનેતાએ ભેટીને છાનો રાખ્યો

• ફિલ્મ લાલ સિંહ ચડ્ઢા 11 ઓગષ્ટે રીલીઝ થશે
• સ્પેશિયલ સ્ક્રીનિંગમાં સાઉથના સુપરસ્ટાર રહ્યાં ઉપસ્થિત
• સ્ક્રીનિંગ દરમ્યાન આમિર ખાન રડી પડ્યા

લાલ સિંહ ચડ્ઢાની સ્ક્રીનિંગમાં રડી પડ્યા આમિર ખાન 

મિસ્ટર પરફેક્શનિસ્ટને પોતાની ફિલ્મથી ઘણી આશા છે. ફિલ્મની સ્ટોરી અને ગીતને લઇને તેઓ ઘણી વખત પોતાના મનના ભાવને પ્રશંસકો સુધી પહોંચાડી ચૂક્યા છે. તેમને પોતાની આ ફિલ્મથી એક ખાસ પ્રેમ થયો છે. હાલમાં આમિર ખાને તેના સાઉથ સુપરસ્ટાર મિત્રો માટે લાલ સિંહ ચડ્ઢાની સ્પેશિયલ સ્ક્રીનિંગ આયોજીત કરી અને સાઉથના આ મિત્રોએ તેમના વખાણ  કરવાના શરૂ કર્યા તો તેઓ પોતાના આંસુ રોકી શક્યા નહીં. 

સાઉથ સુપરસ્ટાર ચિરંજીવીએ ટ્વિટર પર વીડિયો શેર કર્યો 

આમિર ખાનની ફિલ્મ લાલ સિંહ ચડ્ઢાની સ્પેશિયલ સ્ક્રીનિંગ બાદ સાઉથ સુપરસ્ટાર ચિરંજીવીએ ટ્વિટર પર વીડિયો શેર કર્યો છે, જેમાં આમિર ખાન ઈમોશનલ દેખાઇ રહ્યાં છે. સ્પેશિયલ સ્ક્રીનિંગ દરમ્યાન સાઉથ સુપરસ્ટાર ચિરંજીવી, નાગાર્જુન, એસએસ રાજામૌલી, સુકુમાર અને નાગા ચૈતન્ય જેવા મોટા સ્ટાર્સ ઉપસ્થિત રહ્યાં હતા. 

Fascinating how a chance meeting & a little chat with my dear friend #AamirKhan @Kyoto airport - Japan, few years ago led to me becoming a part of his dream project #LaalSinghChaddha

Thank You #AamirKhan for the exclusive preview at my home.Heartened by your warm warm gesture! pic.twitter.com/hQYVZ1UQ5m

— Chiranjeevi Konidela (@KChiruTweets) July 16, 2022

ચિરંજીવીએ ફિલ્મ અંગે પોતાના મંતવ્યો અને રિવ્યુ આપ્યાં

ચિરંજીવીએ હાલમાં એક વીડિયો શેર કર્યો છે, જેમાં તેમણે સ્પેશિયલ સ્ક્રીનિંગની ખાસ ક્ષણોની સાથે ફિલ્મ અંગે પોતાના મંતવ્યો અને રિવ્યુ આપ્યો છે. વીડિયોને શેર કરીને તેમણે લખ્યું, થોડા વર્ષ પહેલા પોતાના ખાસ મિત્ર આમિર ખાન સાથે હું જાપાનના Kyoto એરપોર્ટ પર મળ્યો હતો. આ દરમ્યાન નાની વાતચીતને જોઇને હું તેમના ડ્રીમ પ્રોજેક્ટ લાલ સિંહ ચડ્ઢાનો ભાગ બની ગયો. મારા ઘરે એક્સક્લૂસિવ પ્રિવ્યુ માટે હું આમિર ખાનનો આભાર વ્યક્ત કરુ છુ. સૌથી મોટી વાત છે કે તમે ખૂબ સારી ફિલ્મ બનાવી છે.