બિહારમાં વિધાનસભા ચૂંટણીપ્રચાર જોર શોરથી ચાલી રહ્યો છે. નેતાઓ એક બીજા પર રાજકીય આક્ષેપબાજી કરી રહ્યા છે. જો કે હવે આ પ્રચારયુદ્ધમાં નેતાઓ એકબીજાના અંગત જીવન પર નિશાન સાધવા લાગ્યા છે. જેનું તાજુ ઉદાહણ અલજેપી નેતા ચિરાગપાસવાનો વાયરલ થયેલો વીડિયો છે. પોતાના પિતાને શ્રદ્ધાંજલિ આપતા રિહર્સલને કોઈએ કેમેરામાં કેદ કરી લીધું જે વીડિયો હવે ચૂંટણી પહેલા જ વાયરલ કરવામાં આવ્યો છે.
બિહારમાં જામી વિધાનસભા ચૂંટણીનો જંગ
ચિરાગ પાસવાનનો વીડિયો થયો વાયરલ
કોંગ્રેસ કર્યા આકરા પ્રહાર
આપને જણાવી દઇએ કે, વાયરલ થયેલાં વીડિયોમાં ચિરાગ પાસવાન શ્રદ્ધાંજલિ આપવા માટે તેના પિતાની તસ્વીર સામે ઉભા છે અને કેમેરામેન અને નજીકના અન્ય લોકોને દિશા નિર્દેશો આપતા જોવા મળે છે. આ વીડિયોને ટ્વિટર પર શેર કરતી વખતે યુપી કોંગ્રેસના નેતા પંખુરી પાઠકે કહ્યું છે કે આવા લોકોના કારણે રાજકારણ બદનામ છે.
બિહારમાં જામ્યો છે ચૂંટણી માહોલ
ઉલ્લેખનીય છે કે, આ વખતે બિહાર વિધાનસભાની ચૂંટણીમાં એલજેપી એનડીએથી અલગ થઈને મેદાને ઉતરી છે. જેડીયુના વિરોધમાં એલજેપીએ અનેક બેઠકો પર ઉમેદવારો ઉભા કર્યા છે. પાર્ટી અધ્યક્ષ ચિરાગ પાસવાન પણ જેડીયુ નેતા અને સીએમ નીતિશ કુમાર સામે સતત નિવેદનો આપી રહ્યા છે. તેમણે જાહેરમાં અનેક વખત કહ્યું છે કે, તેઓ ભાજપની સાથે છે પરંતુ JDUની વિરૂદ્ધમાં છે.
स्वर्गीय पिता की तस्वीर के सामने श्रद्धांजलि देने की जगह चिराग पासवान का यह ड्रामा शर्मनाक है ।
ऐसे लोगों की वजह से राजनीति बदनाम है ।
जनता को जागरूक हो कर अपने बीच के जन प्रतिनिधि चुन ऐसे ड्रामेबाजों को राजनीति से बाहर करना होगा । pic.twitter.com/hO53tLXCVN
— Pankhuri Pathak पंखुड़ी पाठक پنکھڑی (@pankhuripathak) October 27, 2020
કોંગ્રેસી નેતા પંખુડી પાઠકે કર્યા પ્રહાર
કોંગ્રેસના સોશિયલ મીડિયા વિંગના સભ્ય પંખુડી પાઠકે પોતાના ટ્વીટ દ્વારા ચિરાગ પાસવાન પર આકરા પ્રહાર કર્યા હતા. સ્વર્ગીય પિતાની તસવીર સામે શ્રદ્ધાંજલિ આપવાની જગ્યાએ ચિરાગ પાસવાના નાટક કરી રહ્યા છે. આવા લોકોને કારણે જ રાજનિતી સામે સવાલો ઉભા થયાં છે.