દેશમાં 59 ચાઈનીઝ એપ્લિકેશનો પર પ્રતિબંધ હોવાના કારણે ટિક ટોકને સ્પર્ધા આપવા વાળી એપ્લિકેશનોમાં જબરદસ્ત વધારો થયો છે. ચિંગારી એપ્લિકેશન પણ ટિક ટોક જેવો જ વીડિયો શેરિંગ પ્લેટફોર્મ છે. હવે આ એપ્લિકેશને નવી સિદ્ધિ હાંસલ કરી છે. ગૂગલ પ્લે સ્ટોર પર આ એપ્લિકેશનને 1 કરોડથી વધુ વખત ડાઉનલોડ કરવામાં આવી છે.
ચિંગારી એપ્લિકેશનના કો ડેવલપર સુમિત ઘોષે એપ્લિકેશન પર વીડિયો પ્રદર્શન વિશેની માહિતી શેર કરી છે. મળતી માહિતી મુજબ, એપ પર અત્યાર સુધીમાં 148 મિલિયન વીડિયો જોવામાં આવ્યા છે, જ્યારે 3.6 મિલિયન વીડિયોને લાઈક કરવામાં આવ્યા છે. ચિંગારી એપ્લિકેશનના વપરાશકારો પાસે હવે 1 કરોડથી વધુ છે.
ચાઈનીઝ એપ્સ પર પ્રતિબંધ બાદ એપના યુઝર્સમાં તેજીથી વધારો
કંપનીનું લક્ષ્ય છે કે આ મહિને 100 મિલિયન વપરાશકારો સુધી પહોંચવું. નોંધનીય છે કે ચિંગારી એપ્લિકેશનના આ આંકડાઓ છેલ્લા 22 દિવસના છે. તમને જણાવી દઈએ કે ચિંગારી એપને ચાઈનીઝ એપ્સ પર પ્રતિબંધના થોડા દિવસો પહેલા લોન્ચ કરવામાં આવી હતી, પરંતુ પ્રતિબંધ બાદ એપના યુઝર્સમાં તેજીથી વધારો જોવા મળી રહ્યો છે.
ફક્ત 72 કલાકમાં 5 લાખ ડાઉનલોડ્સ નોંધાયા
અગાઉ, એપ્લિકેશનના ડેવલપર્સે ખુલાસો કર્યો હતો કે એપ્લિકેશન દર કલાકે 1 લાખ કરતા વધુ વખત ડાઉનલોડ કરવામાં આવી રહી છે. ચિંગારી એપ દ્વારા ફક્ત 72 કલાકમાં 5 લાખ ડાઉનલોડ્સ નોંધાયા છે. ડેવલપર્સે પણ ચાઇનીઝ એપ્સ પર સરકાર દ્વારા પ્રતિબંધ મૂકવાના નિર્ણયની પ્રશંસા કરી છે અને ટિક ટોકના વપરાશકર્તાઓને ચિંગારી એપ્લિકેશનમાં જોડાવા કહ્યું છે.
આ એપ્લિકેશન 100% ભારતીય છે: ઘોષ
ઘોષે કહ્યું, "હું નરેન્દ્ર મોદીજીને અભિનંદન પાઠવું છું અને તેમનો આભાર માનું છું. અમે ટિક ટોકના બધા વપરાશકર્તાઓને ચિંગારી એપ્લિકેશન ઉપર આવવા અને વાપરવા માટે આવકારીએ છીએ, આ એપ્લિકેશન 100% ભારતીય છે, ખાસ કરીને ભારતીયો માટે બનાવાઈ છે."
હજુ થોડા સુધારાની જરૂર
ચિંગારી એપ્લિકેશનનું ઇન્ટરફેસ ટિક ટોક જેવું જ છે, પરંતુ અત્યારે થોડા સુધારાની જરૂર છે. જો તમે ગૂગલ પ્લે સ્ટોર પરના વપરાશકર્તાની કૉમેન્ટ્સ પર નજર નાખો તો ઘણા વપરાશકર્તાઓએ કેટલીક સુવિધાઓ કામ ન કરવાની ફરિયાદ કરી છે.