સંશોધન / મચ્છરમાંથી મળી આવ્યા એવા પ્રોટીન જે કોરોનાનો નાશ કરવા સક્ષમ; ચીન-USAના વૈજ્ઞાનિકોની શોધ

• મચ્છરના બેક્ટેરિયાથી કોરોના વાઈરસને ખતમ કરવાની તૈયારી
• ચીન અને અમેરિકાના વિજ્ઞાનીઓએ સાથે મળીને રિસર્ચ કર્યું

મચ્છરમાં મળ્યા બેક્ટેરિયા

bioRxiv  જર્નલમાં પ્રકાશિત થયેલા સંશોધન મુજબ, આ બેક્ટેરિયા સંશોધકોને એડીઝ એજિપ્ટી પ્રજાતિના મચ્છરની અંદર મળ્યા છે. બેક્ટેરિયાની જિનોમ સિક્વેન્સનું વિશ્વલેષણ કર્યા બાદ તેમાંથી નીકળતા પ્રોટીનની ઓળખ કરવામાં આવી છે. સંશોધકોનો દાવો છે કે, આ પ્રોટીન ઘણા પ્રકારના વાઇરસને નિષ્ક્રિય કરવામાં સક્ષમ છે. 

વર્ષ ૨૦૧૦માં વધુ એક પ્રોટીન પર રિસર્ચ થયું હતું

બેક્ટેરિયાનો પ્રોટીન લાઇપેજથી ભરપુર છે. લાઇપેજ એક પ્રકારનું એન્ઝાઇમ છે, જે પ્રોટીન વાઇરસને નિષ્ક્રિય કરવાની ક્ષમતા ધરાવે છે. વર્ષ ૨૦૧૦માં થયેલા એક સંશોધનમાં જાણવા મળ્યું છે કે, લિપોપ્રોટીન લાઇપેજ નામનું રસાયણ હિપેટાઇટીસ-સી વાઇરસને નિષ્ક્રિય કરે છે. ત્યારબાદ ૨૦૧૭માં થયેલા એક રિસર્ચ મુજબ નાજા મોસામ્બિકા નામના સાપના ઝેરમાં ફોસ્કો લાઇપેજ પ્રોટીન મળ્યું હતું. તે હિપેટાઇટીસ-સી, ડેન્ગ્યુ અને જાપાની ઇન્સેફેલાઇટીસને નિષ્ક્રિય કરે છે.