સરહદી તણાવ / ચિંતાનો વિષય: POKમાં જોવા મળ્યા ચીની સૈનિકો, બોર્ડર પોઈન્ટ પર આવેલા ગામોમાં કરી રહ્યા છે આ કામ

• POKમાં પાક સૈનિકો સાથે જોવા મળ્યા ચીની સૈનિકો 
• બોર્ડર પોઈન્ટ પર આવેલા ગામોમાં કરી રહ્યા છે નિરિક્ષણ 
• એક મહિનાથી અંદાજે 50 સૈનિકો POKમાં તૈનાત 

ચીન અને પાકિસ્તાનની મિત્રતા હવે જગજાહેર છે. ત્યારે વધુમાં હવે ચીની સૈનિકો પાકિસ્તાનના કબ્જા વાલા કાશ્મીર એટલેકે કે પીઓકેમાં ફરતા જોવા મળ્યા છે. પ્રાપ્ત થતી માહિતી અનુસાર ચીની સૈનિકો હવે કાશ્મીર બોર્ડર પોઈન્ટ પર આવેલા ગામોમાં નિરીક્ષણ કરી રહ્યા છે. જે ભારત માટે ચિંતાનો વિષય બન્યો છે. 

અંદાજે 50 ચીની સૈનિકો POKમાં તૈનાત 

કાશ્મીરમાં સામે આવેલ રિપોર્ટ અનુસાર પીઓકેમાં કેલ, જુરe અને લીપા સેક્ટરમાં છેલ્લા એક મહિનાથી અંદાજે 50 જેટલા સૈનિકો પહોચી ગયા છે. એવો પણ રિપોર્ટ સામે આવ્યો છે કે ચીની જવાનો પાકિસ્તાની સૈનિકો તેમજ પાકિસ્તાનની ખાનગી એજન્સી આઈએસઆઈના અધિકારીઓ બધા ભેગા થઈને પાંચ ગ્રુપમાં વહેચાઈ ગયા છે.

આસપાસ આવેલા ગામોમાં કરી રહ્યા છે નિરીક્ષણ 

દરેક જણા આસપાસમાં આવેલા ગામોમાં નિરિક્ષણ કરી રહ્યા છે. જે રિપોર્ટ સામે આવ્યો છે તેમા સૂત્રો દ્વારા એવી માહિતી સામે આવી છે કે ચીની સેનિકો ઘુસણખોરીના રસ્તાઓનું પણ નિરિક્ષણ કરી રહી છે. પીઓકેમાં આવેલા ગામોને આદર્શ ગામ બનવવાનાં સંકેત ચીની સેનાએ આપ્યા છે. જેને લઈને ચીની સેના પીઓંકેમાં તૈનાત છે. 

ચોક્કસ માહિતી સામે નથી આવી 

ઉલ્લેખનીય છે કે આ સમગ્ર મામલે હજુ સુધી કોઈ ચોક્કસ માહિતી સામે નથી આવી. પરંતુ એટલું જરૂર થી કહી શકાય કે ચીની સૈનિકોની પીઓકેમાં હાજરી ભારત માટે એક ચિંતાનો વિષય છે. કારણકે છેલ્લા કેટલાય સમયથી સરહદ પર બંને દેશો વચ્ચે તણાવ ચાલી રહ્યો છે. ત્યારે વધુમાં ચીની સૈનિકો POKમાં ઘુસ્યા છે.