ભારતે લદ્દાખ સીમા પરથી ઝડપી લીધેલા ચીની સૈનિકને અંતે પૂછપરછ બાદ ચીન પરત મોકલી આપ્યો છે. ઉલ્લેખનીય છે કે, ભારતીય સેનાએ આ સૈનિકને ચુશુલ મોલડો બોર્ડર પોઇન્ટ પર લિબરેશન આર્મીને સોંપી દીધો હતો. 8 જાન્યુઆરીની સવારે આ સૈનિક પેગોંગ નદીના દક્ષિણ વિસ્તારમાંથી ઝડપાયો હતો.
ભારતીય સીમામાં આવી ચડેલા ચીની સૈનિકને ભારતે મોકલ્યો પરત
ભૂલથી ભારતીય સીમામાં આવી ચડ્યાનું પૂછપરછમાં થયો ખુલાસો
સેનાએ હાથ ધરી વધુ તપાસ
ત્યાં તૈનાત ભારતીય જવાનોએ સૈનિકને ઝડપી લઈને તેની પૂરપરછ હાથ ધરી હતી. તો જે સ્થિતિમાં ચીની સૈનિક બોર્ડર પાર કરીને ભારતમાં પ્રવેશ્યો હતો તેની તપાસ પણ કરી હતી.
શું છે સમગ્ર મામલો
શુક્રવારે એક ચીની સૈનિક ભારતીય સીમામાં ઘૂસી આવ્યો હતો. જેને ભારતીય સેનાએ ઝડપી પાડ્યો છે. હવે આ સૈનિકને તાત્કાલીક પાછો કરવાની માંગ ચીને કરી છે. ભારતીય અધિકારીઓએ જણાવ્યું કે શુક્રવારે ચીની સૈનિક એલએસી પાર કરી ભારતીય સીમામાં આવ્યો હતો. જેને પૂર્વી લદ્દામાં પૈંગોંગ ત્સોના દક્ષિણી તટ પર ભારતીય સેના દ્વારા પકડવામાં આવ્યો હતો.
ચીને કહ્યું કે રાતના અંધારા અને જટિલ ભૌગોલિક સ્થિતિના કારણે સૈનિક ગુમ થયો
બીજિંગમાં ચીની સેનાએ કન્ફર્મ કર્યું છે કે તેમનો એક સૈનિક ભૂલથી ચીન ભારત સીમા વિસ્તારમાં ગુમરાહ થઈ ગયો હતો. ચીની સેનાની એક ઓનલાઈન વેબસાઈટ પર ચીની સેનાએ કહ્યું કે રાતના અંધારા અને જટિલ ભૌગોલિક સ્થિતિના કારણે તે ચાઈનીઝ પીપુલ્સ લિબરેશન આર્મીના ફ્રન્ટિયર ડિફેન્સ ફોર્સનો એક જવાબ શુક્રવારે સવારે ભારત- ચીન સીમામાં ગુમ થઈ ગયો છે.
અથડામણ બાદ બન્ને દેશોની વચ્ચે તણાવ જારી
આ સૈનિકની ધરપકડ એવા સમયે થઈ જ્યારે ભારતીય સેના અને ચીની પીપુલ્સ લિબરેશન આર્મીએ મોટી સંખ્યામાં પોતાના સૈનિકોની તૈનાતી લદ્દાખમાં કરેલી છ. મે મહિનામાં પેંગોંગ ઝીલ વિસ્તારમાં થયેલી અથડામણ બાદ બન્ને દેશોની વચ્ચે તણાવ જારી છે. જેના પરિણામ સ્વરુપ બન્ને દેશોને લદ્દાખ વિસ્તારમાં પોત પોતાના સૈનિકો અને સુરક્ષાદળોની સંખ્યા વધારી રાખી છે.
એક વર્ષમાં સતત બીજી ઘટના
એક વર્ષમાં આ બીજો કેસ છે જ્યારે ચીની સૈનિકો ભારતીય ક્ષેત્રમાં ભટક્યા અને પાછળથી ભારતીય સૈનિકોએ તેને ચીની સેનામાં પરત કરી દીધી. આ અગાઉ ભારતીય સેનાએ ગયા વર્ષે ઓક્ટોબરમાં પૂર્વ લદ્દાખના ચૂમર-ડેમચોક વિસ્તારમાં પીએલએ સૈનિકની ધરપકડ કરી હતી. ચીની સૈનિક વાંગ અથવા લોંગ વાસ્તવિક નિયંત્રણ રેખાની આજુબાજુ ભટક્યા અને ભારતીય સીમામાં પ્રવેશ્યા. બાદમાં તેમને ચીનના હવાલે કરવામાં આવ્યા હતા.