લદ્દાખ / ભારતીય સીમામાં ફરી રહેલા ચીની સૈનિકને સેનાએ દબોચી લીધો, પૂછપરછમાં થયો મોટો ખુલાસો

• ભારતીય સીમામાં આવી ચડેલી ચીની સૈનિકને દબોચી લેવાયો 
• પૂછપરછમાં ભૂલથી ધસી આવ્યો હોવાની કરી વાત
• સેનાએ કહ્યું- પૂછપરછ બાદ લેવાશે નિર્ણય 

આપને જણાવી દઇએ કે, ભારતીય સૈનિકો આ ચીની જવાનની પૂછપરછ કરી રહ્યા છે. પૂછપરછથી સંતુષ્ઠ થયાં બાદ તની સોંપણી ચીની અધિકારીઓને કરવામાં આવશે. 

ભૂલથી આવી ચડ્યાનું રટણ કરી રહ્યો છે ચીની સૈનિક

પ્રાપ્ત થયેલા અહેવાલ પ્રમાણે 8 જાન્યુઆરીના રોજ લદ્દાખમાં LAC નજીકથી ભારતીય સીમાની અંદર આવી પહોંચેલ એક ચીની સૈનિક ઝડપાયો છે. ચીની સૈનિકને પૈંગોંગ તળાવના દક્ષિણ છોરથી પકડવામાં આવ્યો છે. સૈનિકને પૂછપરછ કરતા તેણે જણાવ્યું હતું કે, તે રસ્તો ભૂલી ગયો હતો અને ભૂલથી ભારતીય સીમામાં આવી પહોંચ્યો હતો. ત્યાં તે ભારતીય સેનાના જવાનોના હાથે ઝડપાઇ ગયો. 

સીમા મુદ્દે ચીન-ભારત આમને સામને 

આપને જણાવી દઇએ કે, છેલ્લા એક વર્ષથી LAC પર ભારતીય સેના અને ચીની સેના તૈનાત છે. લદ્દાખની ગલવાન ઘાટીમાં થયેલા હિંસક અથડામણમાં ભારતના 20 અને ચીનની 40થી વધુ સૈનિકો શહિદ થયાં હતા અને ત્યાર બાદ બંન્ને રાષ્ટ્રો વચ્ચે સરહદ મુદ્દે વિવાદ ચાલી રહ્યો છે.  

પૂછપરછ બાદ લેવાશે નિર્ણય 

ઉલ્લેખનીય છે કે, ભારતીય સીમામાંથી ઝડપાયેલ ચીની સૈનિક મામલે સેનાએ પોતાના નિવેદનમાં જણાવ્યું હતું કે, ભારતીય સેનાની તપાસમાં ચીની સૈનિકનો દાવો સાચો રહ્યો તો ઔપચારિકતા પૂર્ણ કર્યા બાદ તેને સ્વદેશ મોકલવામાં આવશે, હાલ આ સૈનિકની પૂછપરછ કરવામાં આવી રહી છે.

ગઇકાલે પાકિસ્તાન બોર્ડર પરથી 6 પાકિસ્તાની યુવકો ઝડપાયા હતા 

કાશ્મીર સરહદે બોર્ડર સિક્યુરિટી ફોર્સની ચોકસાઈને પંજાબ સરહદેથી ભારતમાં પ્રવેશી ગયેલા 6 પાકિસ્તાની યુવકોને પકડી લેવાયા હતા, મહત્વનું છે કે આ યુવકોને ગુપ્તચર એજન્સીઓ દ્વારા પૂછપરછ કરવામાં આવી હતી.

બોર્ડર સિક્યુરિટી ફોર્સે શુક્રવારે પંજાબમાં ભારત-પાકિસ્તાન આંતરરાષ્ટ્રીય સરહદના વિસ્તારમાંથી છ પાકિસ્તાની યુવાનોની ધરપકડ કરી હતી. સત્તાવાર સૂત્રોએ આ માહિતી આપી. તેમણે કહ્યું કે ધરપકડ કરાયેલા તમામ લોકોની ઉંમર 20 થી 21 વર્ષની વચ્ચે છે. તેઓ સાંજે પાંચ વાગ્યાની આસપાસ અમૃતસરના સરહદી વિસ્તારમાંથી પકડાયા હતા.