VIDEO / જાપાનમાં મોદી, બાયડન, કિશિદા અને અલ્બેનિઝ મિટિંગમાં વ્યસ્ત હતા ત્યારે પુતિન- જિનપિંગે કરી નાખ્યું મોટું કામ

• જાપાનમાં ચાર દેશોના વડાઓ કરી રહ્યાં હતા મિટિંગ
• પીએમ મોદી, બાયડન, જાપાની પીએમ અને ઓસ્ટ્રેલિયાના પીએમ મિટિંગમાં હતા વ્યસ્ત
• બરાબર ત્યારે  ચીન અને રશિયાના વિમાનોએ જાપાન નજીકથી ભરી ઉડાણ 
• જાપાને કહ્યું, ચીન અને રશિયાએ કરી ઉશ્કેરણીજનક કાર્યવાહી 

ક્વાડની બેઠક દરમિયાન જાપાન નજીક સંયુક્ત કવાયતમાં ચીન અને રશિયાના ફાઇટર જેટ વિમાનોએ ઉડાન ભરી હતી. આ જાણકારી જાપાનના રક્ષામંત્રીએ આપી છે. નોબુઓ કિશીએ કહ્યું કે તેમની સરકારે રશિયા અને ચીન માટે આ લડાકુ વિમાનોની ફ્લાઇટ્સ પર ઉંડી ચિંતા વ્યક્ત કરી છે.  જાપાનના સંરક્ષણ પ્રધાને એફપી ન્યૂઝ એજન્સીને જણાવ્યું હતું કે, જોકે આ લડાકુ વિમાનોએ એરસ્પેસનો ભંગ કર્યો નથી, પરંતુ નવેમ્બર પછી આ ચોથી વખત છે જ્યારે જાપાન નજીક રશિયા અને ચીનની સંયુક્ત લાંબા અંતરની ફ્લાઇટ જોવા મળી છે.

VIDEO: Chinese H-6K bombers and Russian Tu-95MS bombers conducted regular joint strategic patrols above the Sea of Japan, E.China Sea and West Pacific on Tue. The aircraft abided by intl regulations and did not violate any other country's airspace: Russian Defense Ministry pic.twitter.com/771mVKjqW0

— Global Times (@globaltimesnews) May 24, 2022

ચીન અને રશિયાના લડાકૂ વિમાનોએ જાપાન નજીકથી ભરી ઉડાણ 

કિશીએ પત્રકારોને જણાવ્યું હતું કે, "બે ચીની બોમ્બરોએ જાપાનના સમુદ્રમાં બે રશિયન બોમ્બર્સ સાથે સંયુક્ત કવાયત હાથ ધરી હતી અને પૂર્વ ચીન સાગર તરફ ઉડાન ભરી હતી. કુલ ચાર વિમાનોમાંથી, બે નવા ચાઇનીઝ બોમ્બર્સ હતા જેમણે બે જૂના ચાઇનીઝ વિમાનોને બદલી નાખ્યા હતા અને બે રશિયન બોમ્બરોને બદલી નાખ્યા હતા અને પૂર્વ ચીન સમુદ્રથી પેસિફિક તરફ ઉડાન ભરી હતી.

રશિયાના વિમાને પણ ભરી હતી ઉડાણ 
જાપાની વિદેશ મંત્રીએ જણાવ્યું હતું કે રશિયન માહિતી એકઠી કરતું વિમાન પણ મંગળવારે મધ્ય જાપાનથી દૂર ઉત્તરી કોસિડોથી નોટો દ્વીપકલ્પ તરફ ઉડાન ભર્યું હતું. ટોક્યોમાં સમિટને પગલે આ પગલાને ખાસ કરીને "ઉશ્કેરણીજનક" તરીકે વર્ણવવામાં આવી રહ્યું છે.

ક્વાડ નેતાઓએ ચીન અને રશિયાને આપી હતી ચેતવણી 
સંયુક્ત નિવેદનમાં ચીન અને રશિયાનું સીધું નામ લીધા વગર ક્વાડના નેતાઓએ મંગળવારે ચેતવણી આપી હતી કે, ભારત-પ્રશાંત ક્ષેત્રમાં હાલની સ્થિતિને બળપ્રયોગ દ્વારા બદલવાના કોઈપણ પ્રયાસને સ્વીકારવામાં આવશે નહીં. આ નિવેદનનો સંદર્ભ યુક્રેનમાં થઈ રહેલા યુદ્ધનો હતો. જો કે ચીન પર પણ સતત આ વિસ્તારમાં આવી અનેક ગતિવિધિઓ ચલાવવાનો આરોપ લગાવવામાં આવી રહ્યો છે. કિશીએ કહ્યું કે જાપાને રાજદ્વારી ચેનલો દ્વારા દેશ અને પ્રદેશની સુરક્ષાની ચિંતાઓ "જાપાન અને રશિયા" સુધી પહોંચાડી હતી. "જ્યારે આંતરરાષ્ટ્રીય સમુદાય યુક્રેન સામેના રશિયન આક્રમણની નિંદા કરે છે, ત્યારે રશિયા સાથે આવી કોઈ પણ ઉશ્કેરણીજનક કાર્યવાહીમાં ચીનની સંડોવણી આપણા અને આ ક્ષેત્રની સુરક્ષા માટે ચિંતાનો વિષય છે.જાપાનના તેના પાડોશી દેશ ચીન, રશિયા અને દક્ષિણ કોરિયા સાથે સંબંધો સારા નથી અને સરહદ વિવાદ પણ છે. જાપાન પોતાના એરસ્પેસની સુરક્ષા માટે જેટ મોકલવાનું ચાલુ રાખે છે.