ચીનના રાષ્ટ્રપતિ શી જિનપિંગે કોવિડ 19ના વધતા કેસો અને કડક લોકડાઉનની વચ્ચે દેશની ઝીરો કોવિડ નીતિ પર સવાલો કરનારાઓને ચેતવણી આપી છે.
ચીનની સ્પષ્ટ ચેતવણી
કોરોનાના રોકવા માટે ઝીરો કોવિડ નીતિ
આ નીતિ પર સવાલ કરનારાઓને ચેતવણી આપી દીધી
ચીનના રાષ્ટ્રપતિ શી જિનપિંગે કોવિડ 19ના વધતા કેસો અને કડક લોકડાઉનની વચ્ચે દેશની ઝીરો કોવિડ નીતિ પર સવાલો કરનારાઓને ચેતવણી આપી છે. એક રિપોર્ટમાં જણાવ્યા અનુસાર જિનપિંગની અધ્યક્ષતામાં ગુરૂવારે બેઠક મળી હતી. તેમાં સત્તાધારી કમ્યુનિસ્ટ પાર્ટીની સમિતિએ ગતિશિલ શૂન્ય કોવિડની સામાન્ય નીતિનું દ્રઢતાથી પાલન કરવા અને કોઈ પણ એવા શબ્દો અથવા કૃત્યો વિરુદ્ધ દ્રઢતાથી લડવાનો સંકલ્પ કર્યો, જે દેશની મહામારીને રોકવાની નીતિઓની ટિકા કરે છે.
આવું પહેલી વાર થયું છે, જ્યારે જિનપિંગે ચીનની કોવિડ વિરુદ્ધની લડાઈ પર આવી રીતે સાર્વજનિક ટિપ્પણી કરી હોય. સ્થાનિક મીડિયાના જણાવ્યા અનુસાર, સાત સભ્યોની સમિતિના હવાલેથી કહેવામાં આવ્યું છે, અમારી રણનીતિ પાર્ટીની પ્રકૃતિ અને મિશન પર નિર્ભર હોય છે. અમારી નીતિ ઈતિહાસની કસોટી પર પાર પડે છે. અમારા ઉપાય વૈજ્ઞાનિક અને પ્રભાવી છે.
વુહાનની રક્ષા માટે લડાઈ જીતી લીધી
સમિતિએ કહ્યું કે, અમે વુહાનની રક્ષા માટે લડાઈ જીતી છે અને અમે નિશ્ચિતપણે કહી શકીએ કે, શાંઘાઈની રક્ષા માટે લડાઈ જીતવા અમે સક્ષમ છીએ. સ્થાયી સમિતિએ કાર્યકર્તાઓેને પાર્ટીના કેન્દ્રીય નેતૃત્વ દ્વારા નિર્ધારિત નીતિઓની ગહન, પૂર્વ અને વ્યાપક સમજ કેળવવા માટે પણ કહેવાયુ છે. અહીં ઉલ્લેખનીય છે કે, છેલ્લા કેટલાય અઠવાડીયામાં, શાંઘાઈના નિવાસીઓને ભોજનની ગંભીર કમી અને ચિકિત્સા દેખરેખ સુધી પહોંચની કમી વચ્ચે મદદ માટે સોશિયલ મીડિયાનો સહારો લીધો છે.
ખેલ જગત પર પડી મોટી અસર
આપને જણાવી દઈએ કે, ચીનમાં કોવિડ 19ના વધતાં કેસોના કારણે આ વર્ષે 10થી 25 સપ્ટેમ્બર સુધી યોજાનારા હાંગજો એશિયાઈ રમતોને શુક્રવારે અનિશ્ચિતકાળ સુધી સ્થગતિ કરી દેવામાં આવ્યું છે. નવી તારીખોની જાહેરાત નજીકના ભવિષ્યમાં કરવામાં આવશે. ભારતીય ખેલાડીની તેના પર મિશ્ર પ્રતિક્રિયાઓ આવી છે. શાંઘાઈમાં કોવિડ વધતાં ખતરાને જોતા આ રમતોને લઈને પહેલાથી ક્યાસ લાગી રહ્યા હતા. શાંઘાઈમાં લોકડાઉન લાગેલું છે.