BIG BREAKING: અનેક રાજ્યોમાં એક સાથે IT વિભાગનો સપાટો: ચીની મોબાઈલ કંપનીઓમાં એકસાથે રેડ, મોટા કર્મચારીઓ રડાર પર
દેશભરમાં IT વિભાગનો સપાટો
ચીની મોબાઈલ કંપનીઓ સામે કાર્યવાહી
દેશના અનેક રાજ્યોમાં એક સાથે દરોડા
આજે સવારે એક સાથે અનેક રાજ્યોમાં કરાઇ કાર્યવાહી
દેશભરમાં ચીની મોબાઈલ કંપનીઓ પર એક સાથે IT વિભાગ દ્વારા કાર્યવાહી કરવામાં આવી રહી છે. બુધવારે સવારે જ આ રેડ શરૂ કરવામાં આવી અને એક સાથે અનેક રાજ્યોમાં સ્થિત કંપનીઓમાં એક સાથે સપાટો બોલાવવામાં આવ્યો છે. અત્યાર સુધી મળેલ જાણકારી અનુસાર દિલ્હી, નોઇડા, ગુરુગ્રામ, મુંબઈ, હૈદરાબાદ, બેંગલોર સહિતનાં શહેરોમાં દરોડા કરીને સર્ચ કરવામાં આવી રહ્યું છે.
નોંધનીય છે કે મંગળવારે જ સમાચાર સામે આવ્યા હતા કે નેપાળે ચીનની અનેક કંપનીઓને બ્લેકલિસ્ટ કર્યા છે.
બે કંપનીઓના નામ ખૂલ્યા, હજુ બીજી કંપનીઓ પણ લપેટામાં આવે તેવી શક્યતા
હાલમાં સમાચાર સામે આવ્યા છે કે OPPO, Xiaomi સામે ઈન્કમ ટેક્સ દ્વારા કાર્યવાહી કરવામાં આવી રહી છે અને આ કંપનીઓના તમામ મોટા અધિકારીઓ, ડાયરેકટરો, CFO જેવા મોટા અધિકારીઓ સામે રેડ કરવામાં આવી રહી છે.
દેશમાં 80 કંપનીઓ કરે છે બિઝનેસ
નોંધનીય છે કે દેશની સંસદમાં કેન્દ્ર સરકારે આપેલ જાણકારી અનુસાર 80 ચીની કંપનીઓ વેપાર કરી રહી છે જ્યારે 92 કંપનીઓ નોંધાયેલી છે.