ટેકનોલોજીના ક્ષેત્રમાં ચીન એમ જ અમેરિકાની સાથે યુરોપીય દેશો અને જાપાનને પડકાર આપતું નથી. અહીં નાની ઉંમરમાં બાળકો અંગ્રેજી, ગણિત, નૃત્ય અને સંગીતનું ટયૂશન લેવાની સાથે સાથે ગેમ રમે છે. ચીનમાં નાની ઉંમરનાં બાળકો જટીલ કોડિંગ શીખે છે.
વિટા નામનું એક ચીનનું બાળક કોડિંગ ટયૂટોરિયલ ચેનલ ચલાવે છે
ચીનમાં લોકોના મતે કોડિંગ ન જાણતા લોકોની નોકરીઓ ભવિષ્યમાં રોબોટ છીનવી લેશે
ચીનની વીડિયો સ્ટ્રીમિંગ સાઇટ બીલીબીલી પર વિટા નામના બાળકે આ વર્ષે ઓગસ્ટમાં કોડિંગ ટયૂટોરિયલ ચેનલ શરૂ કરી હતી. ચાર મહિનામાં જ તેના ૬૦,૦૦૦થી વધુ ફોલોઅર્સ થઇ ગયા અને ૧૦ લાખથી વધુ લોકોએ તેની સાઇટને જોઇ.
વિટા એક માત્ર વ્યકિત નથી. ચીનમાં તેની ઉંમરનાં બાળકોની સંખ્યા સતત વધી રહી છે. બાળકો પ્રાઇમરી સ્કૂલમાં એડમિશન લે તે પહેલાં કોડિંગ શીખી રહ્યા છે. તેની પાછળ વાલીઓની પણ મોટી ભૂમિકા છે. ચીન સરકાર જે પ્રકારે ટેકનિકને પ્રોત્સાહન આપી રહી છે તે સ્થિતિમાં યુવાનોને કોડિંગની જાણકારી હોવી જોઇએ.
શાંઘાઇમાં રહેનાર વિટાનું કહેવું છે કે કોડિંગ સરળ નથી, પરંતુ બહુ કઠિન પણ નથી. કમસેકમ તેને જેટલું કઠિન માનવામાં આવે છે તેટલું નથી. તે કહે છે કે જ્યારે તે ભણાવે છે તેની સાથે સાથે કેટલીક નવી બાબતો પણ શીખે છે. ચીન AIમાં મોટા પ્રમાણમાં રોકાણ કરી રહ્યું છે.
લોકોને લાગી રહ્યું છે કે ર૦ વર્ષ બાદ નોકરીઓમાં જેની પાસે કોડિંગનું કૌશલ્ય નહીં હોય તેની જગ્યા રોબોટ લઇ લેશે. તેની લોકો પોતાનાં બાળકોને કોડિંગનું ટયૂશન આપી રહ્યા છે. કોડિંગ કમ્પ્યૂટિંગમાં પ્રારંભિક શિક્ષા છે. જે ટેકનોલોજીની દુનિયાને સમજવામાં મદદ કરે છે.