ચિંતાજનક / પૂર્વી લદાખ પછી ભારતના આ સેક્ટર પર ચીન કરી રહ્યું છે હુમલા, અમેરિકી કંપનીનો દાવો

• ભારતના પોર્ટ અને ચીની હેકરો વચ્ચે ટ્રાફિકનું આદાન પ્રદાન થયું 
• ચીને ભારતની સામે ગુપચુપ સાયબર વોરનું એલાન કર્યું હોય તેવુ લાગે છે 
• અમેરિકી કંપની રેકોર્ડેડ ફ્યુચરે ચીની સાયબર અટેકની માહિતી આપી 

હાલના સમયમાં ચીને ભારતની સામે સાયબર વોરનું એલાન કરી દીધું હોય તેવુ લાગી રહ્યું છે, અને આનો પુરાવો અમેરિકાની કંપની રેકોર્ડેડ ફ્યુચર જે સ્ટેટ સ્પોન્સર્ડ હેકરો એટલે કે કોઈ દેશની સરકાર દ્વારા રાખવામાં આવતા હેકરોની ગતિવિધિઓ પર નજર રાખતી સંસ્થા છે, એ કહ્યું છે કે ભારતીય પોર્ટ્સના નેટવર્કમાં પણ ચીની હેકરોએ તેનું કનેક્શન ખોલ્યું છે અને તે હજુ સુધી એક્ટિવ છે. 

ચીને શરૂ કર્યું છે સાયબર વોરફેર

હાલમાં જ એક રિપોર્ટ પ્રમાણે ચીને ભારતના શહેરો જેવા કે મુંબઈ વગેરેની ઇલેક્ટ્રિક સપ્લાય ચેઇનને ખોરવવા માટે સાયબર અટેક કર્યાની રિપોર્ટ આવી હતી અને ભારતની કોરોના વેક્સિન પોલિસીથી ડરી જઈને ભારતીય કંપનીઓ ભારત બાયોટેક અને સિરમ કંપનીના નેટવર્કમાં ઘૂસીને ભારતીય રસીની ફોર્મ્યુલા ચોરવાની પણ કોશિશ કરવાની રિપોર્ટ આવી હતી. 

જેના પછીતાજેતરમાં અમેરિકી કંપની દ્વારા એવો દાવો કરવામાં આવ્યો છે કે મંગળવાર સુધી અમે એક હેંડશેકનું નિશાન જોઈ રહ્યા હતા અને તેનો અર્થ એમ કે ભારતીય મેરીટાઇમ પોર્ટ અને ચીની હેકરો વચ્ચે ટ્રાફિકનું આદાન પ્રદાન થયું છે. અમેરિકી કંપની રેકોર્ડેડ ફ્યુચરના મતાનુસાર ૧૦ ફેબ્રુઆરી સુધીમાં ચીની હેકર ગ્રુપ રેડએકો દ્વારા ભારતની ઇલેક્ટ્રિક સિસ્ટમની ૧૦ મોટી કંપનીઓ અને ૨ પોર્ટને ટાર્ગેત કરવામાં આવ્યા હતા. 

સરકારે સ્વીકાર્યું માલવેર મળ્યો છે 

કેન્દ્ર સરકાર અને રાજ્ય સરકાર હજુ સુધી પાવરગ્રીડમાં ઠપ્પ થઈ જવાના મામલે હેકર્સની શક્યતા ચકાસી રહી છે, જો કે કેન્દ્ર દ્વારા આ મામલે સાયબર અટેકની વાતને નકારવામાં આવી છે, પરતું આ સ્વીકાર કરવામાં આવ્યું છે કે માલવેર મળ્યું છે, નેશનલ ક્રિટિકલ ઇન્ફોર્મેશન ઇન્ફ્રાસ્ટ્રકચર પ્રોટેકશન સેન્ટર એ ૧૨ ફેબ્રુઆરીના રોજ રેડએકોના ખતરાને લઈને સેન્ટ્રલ પાવર સિસ્ટમ ઓપરેશન કોર્પોરેશનને મેલ કર્યો હતો. 

મહારાષ્ટ્રના ગૃહમંત્રીએ બ્રીફિંગમાં કહ્યું હતું કે વીજળી ઠપ્પ થયાની પ્રાથમિક રિપોર્ટ પ્રમાણે ૧૨ ટ્રોજન હૉર્સના શંકાસ્પદ કોડ અને ૮ જીબીનો વણઓળખાયેલો ડેટા ઇલેક્ટ્રિસિટી બોર્ડની મુખ્ય સર્કિટમાં મોલકવામાં આવ્યું છે, અને બ્લેક લિસ્ટ કરવામાં આવેલા આઇપી એડ્રેડના માધ્યમથી બોર્ડના સર્વરમાં લૉગિન કરવાની ટ્રાય પણ કરવામાં આવી છે. જો કે તેમણે આ મામલે કોઈ કંપની કે દેશનું નામ લીધું નહોતું.