ચીનના વિદેશ મંત્રાલયના પ્રવક્તાએ શુક્રવારે ચેતવણી આપી છે કે જો અમેરિકા વી ચેટ પર પ્રતિબંધ લગાવે છે તો ચીનના લોકો પણ એપલની કંપનીનો બહિષ્કાર કરશે. ઉલ્લેખનીય છે કે સોશિયલ મીડિયા એપ વી ચેટ બંધ કરવાની માંગણી ઝડપી બની ગઈ છે. શક્ય છે કે અમેરિકા બહું જલ્દી તે બંધ કરી દે.
ટ્રમ્પ વી ચેટ અને વીડિયો શેરીંગ એપ ટિક ટોકને બેન કરવાની વાત કરી ચૂક્યા છે
તો ચીનના લોકો પણ એપલની કંપનીનો બહિષ્કાર કરશે
અમેરિકા અને ચીન આમને સામને આવી ગયા છે.
અમેરિકન રાષ્ટ્રપતિ ડોનાલ્ડ ટ્રમ્પ વી ચેટ અને વીડિયો શેરીંગ એપ ટિક ટોકને બેન કરવાની વાત કરી ચૂક્યા છે. આ બન્ને એપ પર સપ્ટેમ્બર મહિનામાં પ્રતિબંધ લાગી શકે છે. ટ્રમ્પનો આરોપ છે કે આ એપથી દેશની રાષ્ટ્રીય સુરક્ષાનો ખતરો છે. ટ્રમ્પની આ જાહેરાત બાદ અમેરિકા અને ચીન આમને સામને આવી ગયા છે.
આ બાદ ચીન વિદેશ મંત્રાલયના પ્રવક્ત ઝાઓ લિજિયાને શુક્રવારે એક ટ્વીટ કરીને લખ્યુ કે જો વીચેટ બેન કરવામાં આવશે તો ચીની લોકોનું પણ આઈફોન અને એપ્પલની પ્રોડક્ટનો ઉપયોગ કરવાનું કોઈ કારણ નથી બનતું. ઝાઓએ કહ્યું કે ચીની લોકો પહેલાથી કહેતા આવ્યા છે કે જો વી ચેટ બેન કરવામાં આવે છે તો તે પણ આઈફોનનો ઉપયોગ બંધ કરી દેશે.
ઉલ્લેખનીય છે કે શોર્ટ વીડિયો શેરિંગ એપ ટિક ટોક ભારતમાં પહેલા જ બેન છે. હવે અમેરિકાએ પણ આન બેન કરવાની તૈયારી કરી છે. અમેરિકાએ આ એપ પર કડકાઈ વર્તવાનું શરુ કરી દીધુ છે. જો કે અમેરિકાના રોકાણકાર આને ખરીધવાનો પણ વિકલ્પ શોધી રહ્યા છે. આ દરમિયાન ચીને એપલ પર અમેરિકાની ચેતવણી આપીને આ મામલાને વધારે ગંભીર બનાવી દીધો છે.