IPLIN
 
  • Home
  • India
  • Chinese Foreign Minister Wang Yi visited with S Jaishankar and ajit doval

મુલાકાત / અઘોષિત પ્રવાસ પર દિલ્હી આવ્યાં ચીનના વિદેશમંત્રી, અજીત ડોભાલ અને S.જયશંકર સાથે હાઇલેવલ બેઠકો

Team VTV 11:43 AM, 25 Mar 22 | Updated: 11:48 AM, 25 Mar 22
Follow us
Chinese Foreign Minister Wang Yi visited with S Jaishankar and ajit doval

ગલવાન ઘાટીમાં અથડામણ બાદ પ્રથમ વાર ચીનના વિદેશ મંત્રી ભારતની મુલાકાતે આવ્યાં છે. અહીં તેઓએ અજીત ડોભાલ સાથે મુલાકાત કરી હતી.

  • અઘોષિત પ્રવાસ પર ચીનના વિદેશમંત્રીની ભારત મુલાકાત
  • અજીત ડોભાલ અને એસ. જયશંકર સાથે યોજાઇ હાઇલેવલ બેઠક
  • વિદેશ મંત્રાલયના પ્રવક્તા અરિંદમ બાગચીએ કશ્મીર મુદ્દે આપ્યું હતું મોટું નિવેદન

ચીનનાં વિદેશમંત્રી વાંગ યી રાષ્ટ્રીય સુરક્ષા સલાહકાર (NSA) અજીત ડોભાલને મળવા માટે આજે દિલ્હીના સાઉથ બ્લોક પહોંચ્યા હતાં. જ્યાં તેઓએ અનેક મુદ્દાઓ પર ચર્ચા કરી હતી. પૂર્વી લદ્દાખમાં છેલ્લાં બે વર્ષથી ચાલી રહેલ મડાગાંઠ વચ્ચે ચીનના વિદેશ મંત્રી વાંગ યી ગુરુવારે અઘોષિત મુલાકાતે ભારત આવ્યા હતાં. મળતી માહિતી અનુસાર, વિદેશ મંત્રી ડૉ. એસ. જયશંકર આજે બપોરે 2.30 વાગ્યે એક ખાસ પ્રેસ કોન્ફરન્સ કરશે.

તમને જણાવી દઈએ કે, મે 2020માં ગલવાન ઘાટીમાં અથડામણ બાદ બંને દેશો વચ્ચે તણાવ ઘણો વધી ગયો હતો. દરમિયાન ચીનના વિદેશ મંત્રીની આ મુલાકાતને મહત્વની માનવામાં આવી રહી છે. ચીની પક્ષે વડાપ્રધાન મોદી સાથેની મુલાકાતનો પણ સમય માંગ્યો છે. જો કે પીએમ મોદીને મળવાની શક્યતા ઓછી છે. વાંગ યીની આ ભારત મુલાકાત એવાં સમયે થઈ કે જ્યારે ભારતીય વિદેશ મંત્રાલયે જમ્મુ-કાશ્મીર મુદ્દે તેમના એક નિવેદન પર આકરી પ્રતિક્રિયા આપી છે. વિદેશ મંત્રાલયના પ્રવક્તા અરિંદમ બાગચીએ કહ્યું કે, કેન્દ્રશાસિત પ્રદેશ જમ્મુ અને કાશ્મીર સંબંધિત મુદ્દો સંપૂર્ણપણે ભારતનો આંતરિક મામલો છે અને ચીન સહિત અન્ય દેશોને તેના પર નિવેદન કરીને દખલગીરી કરવાનો કોઈ અધિકાર નથી.

ચીનના વિદેશ મંત્રી અજીત ડોભાલ સાથે મુલાકાત કરીને નીકળી ગયા

જાણો શા માટે આ મુલાકાત છે મહત્વપૂર્ણ?

આ મુલાકાત એટલાં માટે મહત્વપૂર્ણ મનાય છે કે, કારણ કે લદ્દાખ સરહદ વિવાદ અને ગલવાન સંઘર્ષને લઈને ભારત અને ચીન વચ્ચે વિવાદ ચાલી રહ્યો છે. ગયા વર્ષે આ વિવાદે ગંભીર સ્થિતિ ધારણ કરી લીધી હતી અને બંને દેશોએ સરહદ પર મોટી સંખ્યામાં સૈનિકો તૈનાત કરી દીધા હતાં. આ અંગે બંને પક્ષો વચ્ચે કમાન્ડર સ્તરની વાતચીત પણ થઈ રહી છે, પરંતુ હજુ સુધી સૈનિકો પરત ખેંચવાનો મુદ્દો ઉકેલાયો નથી. એ સંદર્ભે અત્યાર સુધીમાં એક ડઝનથી વધુ મંત્રણા થઈ ચૂકી છે, પરંતુ કોઈ નક્કર પરિણામ સામે આવ્યું નથી.

સરહદ વિવાદના ઉકેલ માટે અત્યાર સુધીમાં 15 રાઉન્ડની વાતચીત થઈ ચૂકી

ભારત અને ચીન વચ્ચે ચાલી રહેલા સરહદી તણાવને ઉકેલવા માટે લશ્કરી કમાન્ડર સ્તરે અત્યાર સુધીમાં 15 રાઉન્ડની વાતચીત થઈ છે, પરંતુ પૂર્વ લદ્દાખના ડેપસાંગ સહિત અન્ય વિસ્તારોમાં તણાવ ઘટાડવા, મુદ્દાને ઉકેલવા તેમજ લશ્કરી એકત્રીકરણ ઘટાડવાની કોઈ ફોર્મ્યુલા નથી. 12મી માર્ચે, બંને દેશો વચ્ચે ચુશુલ-મોલડો બોર્ડર પોઈન્ટ પર 15માં રાઉન્ડની વાતચીત થઇ હતી.

Chinese Foreign Minister Wang Yi india visit S Jaishankar NSA Ajit Doval
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ