કોરોના વાયરસના આતંક બાદ ચીનમાં ધીમે ધીમે જીવન પાટા પર આવી રહ્યું છે. લાંબા સમય સુધી કારખાનાઓ ફરીથી ચાલુ થઇ રહ્યા છે. સાથે જ ચીનનું ફેમસ ફૂડ માર્કેટ કે જાતજાતના જીવડાઓના વ્યંજન મળે છે તે પણ ખુલી ગયું છે. ચામાચિડીયામાંથી કોરોના વાયરસ આવ્યો હોવાના અહેવાલ છતાં લોકો સંકોચ વગર આ માર્કેટમાં જઈ રહ્યા છે.
70 દિવસ બાદ ચીનમાં ફરી ખૂલ્યું ફૂડ માર્કેટ
આ માર્કેટમાં દુનિયાનાં વિવિધ પ્રકારના જીવડાઓનું વ્યંજન
ઓક્ટોપસથી લઇ કરોળિયાનું માંસ
હાલ 3 હજાર લોકોને પ્રવેશની મંજૂરી
ચીનમાં કોરોના સંક્રમણનાં કારણે જે માર્કેટ બંધ કરી દેવામાં આવ્યા હતા તે હવે ખોલવામાં આવી રહ્યાં છે. આ સાથે જ ચીનનું ખૂબ પ્રખ્યાત ફૂડ માર્કેટ પણ ખોલી દેવામાં આવ્યું છે. આ ફૂડ માર્કેટમાં વિંછી, સેન્ટીપેડ તથા ઓક્ટોપસ જેવા વ્યંજન મળે છે. કોરોના વાયરસના સંક્રમણને જોતા જાન્યુઆરી મહિનામાં આ માર્કેટને બંધ કરી દેવમાં આવ્યું હતું. 70 દિવસ પછી ખોલવામાં આવેલ માર્કેટમાં હાલ તો એક દિવસમાં 3 હજાર લોકોને જ જવાની પરવાનગી આપવામાં આવી રહી છે.
વિદેશથી આવતા સહેલાણીઓમાં પ્રખ્યાત માર્કેટ
ચીનના વુહાનથી લગભગ 1350 કિમી દૂર ગુઆન્કસી રાજયની રાજધાનીમાં આ માર્કેટ આવેલું છે. આ માર્કેટ જોગન્શાન રોડ ફૂડ માર્કેટથી આ માર્કેટને ઓળખવામાં આવે છે. દુનિયામાં કોઈ માર્કેટમાં જે જીવનું માંસ જોવા ન મળે તે અહિયાં સરળતાથી મળી શકે છે. આ જ કારણથી તે ખૂબ પ્રખ્યાત છે. માર્કેટમાં દેશ જ નહીં વિદેશથી પણ લોકો આવે છે. મોટા ભાગે સાંજના સમયે માર્કેટને ખોલવામાં આવે છે.
આ માર્કેટમાં ગ્રિલ્ડ ઓક્ટોપસ, સ્પાઈસી ક્રેફિશ, ફ્રાઈડ સેન્ટીપેડ અને દુનિયાભરમાં કીડા-જીવડા આ સિવાય કરોળિયાઓ ખાવા માટે આપવામાં આવે છે. ચીનની સરકારી મીડિયામાં આ માર્કેટની તસવીરો સામે આવી છે.
જોકે આ માર્કેટમાં હાલમાં બધાને સામાજિક દૂરી રાખવા માટે આગ્રહ કરવામાં આવ્યો છે. તથા ખાવાના સ્ટોલમાં બે મીટરનું અંતર રાખવા માટે સૂચના આપવામાં આવી છે.