ચીને એરલાઈન્સને માટે નવી એડવાઈઝરી જાહેર કરી છે જેમાં પ્લેનના ક્રૂ મેમ્બર્સને ટોયલેટનો ઉપયોગ ન કરવાની સલાહ આપી છે અને સાથે જ ડાયપરનો ઉપયોગ કરવા કહ્યું છે. ચીનનું માનવું છે કે ટોયલેટથી પણ કોરોના ફેલાઈ શકે છે.
ચીને જાહેર કરી એરલાઈન્સ માટે નવી એડવાઈઝરી
ટોયલેટથી પણ કોરોના ફેલાઈ શકે છેઃ ચીન
પ્લેનના ક્રૂ મેમ્બર્સને અપાઈ ડાયપરના ઉપયોગની સલાહ
કોરોના સંક્રમણ ફેલાવવાના સાધનોની સાથે વૈજ્ઞાનિકોમાં મતભેદ જોવા મળી રહ્યો છે. કોરોના સંક્રમણ રોકવા માટે ચીને એરલાઈન્સના કર્મચારીઓને અને ખાસ કરીને ક્રૂ મેમ્બર્સને માટે નવી ગાઈડલાઈન્સ જાહેર કરી છે. જેમાં એરહોસ્ટેસ સહિત ક્રૂ મેમ્બર્સે ફ્લાઈટ સમયે ટોયલેટનો ઉપયોગ ન કરવાનું કહેવાયું છે અને તેઓએ ડાયપરનો ઉપયોગ કરવો તેવી સલાહ આપવામાં આવી છે. ચીનના સિવિલ એવિએશન રેગુલેટરે તેને બદલે તેમને ડિસ્પોઝેબલ ડાયપરનો ઉપયોગ કરવા કહ્યું છે.
Chinese flight attendants are advised to wear nappies during flights to avoid contracting COVID-19 in the toilet https://t.co/3VE4CbuT1f
ગાઈડલાઈન પર ચર્ચામાં કહેવાયું છે કે ટોયલેટથી પણ કોરોના ફેલાવવાના સબૂત મળ્યા છે. ખાસ કરીને એ જગ્યાઓએ જ્યાં કેબિન ક્રૂ મેમ્બર્સને માટે છે જ્યાં રોજ 10 લાખ લોકોમાંથી 500 થી વધારે કોરોના સંક્રમિત મળ્યા છે. ડાયપર પર્સનલ પ્રોટેક્ટિવ ઈક્વિપમેન્ટના લિસ્ટમાં છે. ફક્ત કેબિન ક્રૂ મેમ્બર્સને ડાયપર પહેરવાનું કહેવાયું છે. પ્લેનના દરેક ક્રૂ મેમ્બર્સને માસ્ક, ડબલ લેયરના ડિસ્પોઝેબલ મેડિકલ રબર ગ્લવ્ઝ, ચશ્મા, ડિસ્પોઝેબલ કેપ અને ડિસ્પોઝેબલ કપડાં તથા શૂ કવર પહેરવાની સલાહ અપાઈ છે.
કેબિન એરિયાથી ફેલાઈ રહ્યું છે સંક્રમણ
ગાઈડલાઈન્સના આધારે પ્લેનના કેબિન એરિયાથી સંક્રમણ ફેલાવવાના કેસ આવી રહ્યા છે. ચીનથી પ્લેનથી મુસાફરી કરનારાને સુરક્ષિત રાખવા આ પગલાં લેવાઈ રહ્યા છે. કેબિન એરિયાને બફર ઝોન બનાવવાની સલાહ અપાઈ રહી છે આ સિવાય તેને સાફ રાખવા અને પડદા લગાવવાની સલાહ અપાઈ છે. તેને ક્વોરન્ટાઈન એરિયામાં ફેરવવામાં આવશે. પ્લેનની છેલ્લી 3 સીટ પણ પડદા લગાવીને અલગ કરાશે. તેને પણ ઇમરજન્સી ક્વોરન્ટાઈન એરિયામાં ફેરવવામાં આવશે.
ઉલ્લેખનીય છે કે મહામારીથી ચીનના એવિએશન માર્કેટ પર મોટી અસર થઈ છે. ચીનને મહામારીમાં મોટા પાયે ડોમેસ્ટિક અને ઈન્ટરનેશનલ ફ્લાઈટ્સ કેન્સલ કરવી પડી છે. હવે એરલાઈન્સે સાવધાની સાથે ઉડાન ભરવાનું શરૂ કર્યું છે. માસ્ક, સોશ્યલ ડિસ્ટન્સિંગનું પાલન પણ કરવામાં આવી રહ્યું છે.