આ ચીની કંપની દુનિયાભરમાં Free ઇન્ટરનેટ પૂરું પાડવાની તૈયારીએ

ચીની કંપની LinkSure Networkએ દુનિયાભરમાં ફ્રી વાઇ-ફાઇ સેવા આપવા માટે નવા સેટેલાઇટને રજૂ કરી દીધાં છે. કંપનીએ કહ્યું કે તેઓનો પહેલો સેટેલાઇટ આગામી વર્ષે ચીનનાં ગાંસુ પ્રાંતમાં સ્થિત જિઉકુઆં સેટેલાઇટ લોન્ચ સેન્ટરેથી લોન્ચ કરવામાં આવશે અને વર્ષ 2020 સુધી અંતરિક્ષમાં 10 આવાં વધારે સેટેલાઇટ્સ મોકલવાની યોજના છે. ત્યાં બીજી બાજુ આ સાથે કંપનીનું લક્ષ્ય 2026 સુધી આવાં 272 સેટેલાઇટ લોન્ચ કરવાનાં છે.

3 000 કરોડ રૂપિયાનું રોકાણઃ
કંપનીનાં સીઇઓ વોન્ગ જિંગ્યિંગે જણાવ્યું કે આ યોજનાને સફળ બનાવવા માટે કંપની 3 000 કરોડ રૂપિયાનું રોકાણ કરશે. જો કે તેઓએ માન્યું કે આ યોજના સફળ થયા બાદ આવનારા સમયમાં આનાંથી વધારે કમાણી પણ કરી શકાશે.



સ્માર્ટફોનથી સરળતાથી કનેક્ટઃ
રિપોર્ટ અનુસાર અંતરિક્ષથી આવનાર વાઇ-ફાઇ નેટવર્કને લોકો પોતાનાં સ્માર્ટફોનથી સરળતાથી કનેક્ટ કરી શકશો. એટલું જ નહીં પરંતુ આ નેટવર્ક તે ક્ષેત્રોમાં પણ પહોંચશે કે જ્યાં ટેલિકોમ નેટવર્ક્સનું પહોંચવું મુશ્કેલ છે.

SpaceX:
તમને જણાવી દઇએ કે આ જ વર્ષે SpaceXને અંતરિક્ષમાં 7 000 સ્ટારલિંક સેટેલાઇટ મોકલવા માટે લીલી ઝંડી મળી ગઇ છે અને સ્પેસ એક્સ આવનારા થોડાંક વર્ષોમાં અંતરિક્ષથી ધરતી પર ઇન્ટરનેટ સેવા મોકલનારા 1600 સેટેલાઇટ્સને અંતરિક્ષમાં મોકલવાનાં છે. તમને વધુમાં જણાવી દઇએ કે એક રિપોર્ટ અનુસાર દુનિયામાં હજી પણ 300 કરોડથી પણ વધારે લોકો ઇન્ટરનેટ સેવાની પહોંચથી દૂર છે.