ખળભળાટ / પાકિસ્તાનના ગ્વાદર શહેરમાં જોરદાર બ્લાસ્ટની ઘટના, 5થી વધુ ચીની એન્જીનીયરના મોત

• પાકિસ્તાનમાં જોરદાર બ્લાસ્ટ
• 5થી વધુ લોકોના મોત 
• મૃતકો ચીની એન્જીનીયર હોવાનું આવ્યું સામે 

મળતી વિગત પ્રમાણે, પાકિસ્તાનના ગ્વાદર શહેરમાં એક બ્લાસ્ટ થયો હતો જેમાં 5થી વધુ એન્જીનીયરના મોત નીપજ્યા હતા. તો 2 બાળકોના પણ મોત થયાં હોવાનું પ્રાથમિક જાણકારી મળે છે. જો કે, જાણકારી પ્રમાણે, આ હુમલો બલોચ ફાઈટર દ્વારા કરવામાં આવ્યો હતો. 

ચીની એન્જીનીયરની નિશાન બનાવીને કરાયો હુમલો 

ઉલ્લેખનીય છે કે, આ હુમલો ચીની એન્જીનીયરોને નિશાન બનાવીને કરવામાં આવેલો હતો. આ પહેલા પણ કોહિસ્તાન જિલ્લાના દાસુ વિસ્તારમાં હુમલાની ઘટના પ્રકાશમાં આવી હતી. જેમાં બસમાં સવાર ચીનના એન્જીનીયરો પર હુમલો કરવામાં આવ્યો હતો જેમાં 13 લોકોના જીવ ગયા હતા જે પૈકી 9 ચીની નાગરિક હોવાનું સામે આવ્યું હતું.