ભારત અને ચીન વચ્ચે ચાલી રહેલા વિવાદના કારણે ભારત સરકાર તથા રેલવેએ ઘણી બધી ચીની કંપનીઓ સાથેના કૉન્ટ્રૅક્ટ રદ કર્યા હતા અને ત્યારે કહેવામાં આવ્યું હતું કે ચીનનો બહિષ્કાર કરી તેને સબક શિખવાડવામાં આવશે. જોકે હવે સરકારી કંપનીઓ દ્વારા જ ચીની કંપનીને કામ આપવામાં આવી રહ્યું હોવાનું સામે આવ્યું છે.
NCRTCના પ્રોજેક્ટમાં ચીની કંપનીને મળી ગયું કામ
સેમી હાઇસ્પીડ રેલવે માટે ચીની કંપનીને કૉન્ટ્રૅક્ટ
જૂન મહિનામાં રોકોવામાં આવ્યો હતો આ કૉન્ટ્રૅક્ટ
શું છે આખો મામલો ?
દિલ્હીથી મેરઠ વચ્ચે બની રહેલા રેપિડ રેલ ટ્રાન્ઝિટ સિસ્ટમમાં એક સેક્સનનો કૉન્ટ્રૅક્ટ ચીની કંપનીને આપી દેવામાં આવ્યો છે. ગયા વર્ષે સરહદ પર ચીન સાથે ચાલી રહેલા સંઘર્ષના કારણે આ કંપનીનો કોન્ટ્રાકટ રોકવામાં આવ્યો હતો.
શું છે આ પ્રોજેક્ટ ?
નેશનલ કેપ્ટન રિજન ટ્રાન્સપોર્ટ કોર્પોરેશને દિલ્હીના ન્યૂ અશોકનગરથી ગાઝિયાબાદનાઆ સાહિબાબાદ સુધી 5.6 કિમી લાંબા અંડરગ્રાઉન્ડ સ્ટ્રેચને બનાવવા માટે શાંઘાઇ ટનલ એન્જિનિયરિંગ કંપની લિમિટેડને ઠેકો આપવામાં આવ્યો છે. ગયા વર્ષે જૂન મહિનામાં આ જ કૉન્ટ્રૅક્ટના કારણે ખૂબ વિવાદ થયો હતો જે બાદ આ કૉન્ટ્રૅક્ટને રોકી દેવામાં આવ્યો હતો.
NCRTCએ શું કહ્યું ?
ન્યૂઝ એજન્સી PTI અનુસાર NCRTCનું કહેવું છે કે આ કૉન્ટ્રૅક્ટ નિશ્ચિત કરવામાં આવેલ પ્રક્રિયા અને નિર્દેશો અનુસાર જ કરવામાં આવ્યો છે. NCRTCના પ્રવક્તાએ કહ્યું કે આ કૉન્ટ્રૅક્ટને કેટલાય સ્તરથી મંજૂરી આપવામાં આવી છે તથા તેના માટે કેટલીય એજન્સીઓમાંથી ફંડિંગ કરવામાં આવી છે. આ બિડ પણ નિશ્ચિત પ્રક્રિયા અને નિર્દેશ અનુસાર જ કરવામાં આવી છે અને હવે નિર્માણ કાર્ય ખૂબ તેજીથી કરવામાં આવી રહ્યું છે અને પ્રોજેક્ટ સમય અનુસાર જ ચાલુ થઈ જશે.
શું છે આ કોરિડોર ?
નોંધનીય છે કે દિલ્હી અને મેરઠની વચ્ચે એક સેમી હાઇસ્પીડ રેલ કોરિડોર બનવા જઇ રહ્યો છે. આ પ્રોજેક્ટ દિલ્હી, ગાઝિયાબાદથી થઈને મેરઠ સુધી પહોંચે છે. આ પ્રોજેક્ટમાં 68.03 હિસ્સો એલિવેટેડ જ્યારે 14.12 કિમી અંડરગ્રાઉન્ડ થઈને જાય છે જે બાદ અંડરગ્રાઉન્ડ સ્ટ્રેચને બનાવવા માટે ચીની કંપનીને કામ આપવામાં આવ્યું છે.
ચીની કંપનીને કેમ મળ્યો કૉન્ટ્રૅક્ટ
નોંધનીય છે કે 12 જૂનના રોજ કરવામાં આવેલ બિડિંગમાં ચીની કંપનીએ સૌથી ઓછા રકમની બોલી લગાવી છે અને તેના કારણે આ પ્રોજેક્ટ તેને આપવામાં આવ્યો છે. આ પ્રોજેક્ટ NCRTC (નેશનલ કેપ્ટન રિજન ટ્રાન્સપોર્ટ કોર્પોરેશન ) દ્વારા કરવામાં આવી રહ્યો છે. પ્રોજેક્ટ માટે પાંચ અલગ અલગ કંપનીઓએ બોલી લગાવી હતી જેમાં ચીની કંપનીએ સૌથી ઓછી 1,126 કરોડ રૂપિયાની બોલી લગાવી અને ભારતની કંપની L&Tએ 1,170 કરોડ રૂપિયાની બોલી લગાવી હતી. વધુ એક ભારતીય કંપની ટાટા પ્રોજેક્ટે પણ બોલી લગાવી હતી.