ઉત્તરી સિક્કિમમાં લાઇન ઓફ એક્ચૂયલ કંટ્રોલ પર ભારતીય સેનાના જવાનો અને ચીની પીપુલ્સ લિબરેશનના જવાનો વચ્ચે જોવા મળેલ ઘર્ષણ બાદ આજે લદ્દાખ સરહદ પર ચીની ચોપર્સ જોવા મળ્યો હોવાનો મામલો સામે આવ્યો છે. જો કે ત્યાર બાદ તરત IAF એટલે કે ભારતીય વાયુસેના એલર્ટ જોવા મળી છે.
વાયુસેનાના લડાકૂ વિમાને તરત ચીની ચોપર્સની પાછળ લાગી ગયા અને તેને પરત ખદેડી દીધા. ANI ના એક રિપોર્ટ અનુસાર આ ગત અઠવાડિયામાં થયું હતું જ્યારે ઉત્તર સિક્કિમમાં ભારતીય સેના અને ચીની સેનાના જવાન સામે ઘર્ષણ જોવા મળ્યું હતું.
ANI ના જણાવ્યાં અનુસાર સરકારી સૂત્રો પાસેથી મળતી જાણકારી મુજબ ચીનનું સૈન્ય હેલિકોપ્ટર LoC વાસ્તવિક નિયંત્રણ રેખાની નજીક ઉડાન ભરી રહ્યું હતું. તેની ચહલ-પહલ પુરી થયા બાદ, ભારતના વાયુ સેનાના લડાકૂ વિમાનોએ આ વિસ્તારમાં પેટ્રોલિંગ કર્યું.
Chinese choppers spotted near Ladakh LAC prompt alert, IAF fighters rushed in
સમાચાર એજન્સીના જણાવ્યાં અનુસાર નામ જાહેર નહીં કરવાની શરત પર સરકારી સૂત્રોએ જણાવ્યું કે ચીનના હેલિકોપ્ટરે ભારતીય સરહદની અંદર લાઇન ઓફ કંટ્રોલ ક્રોસ કરી નહીં. ભારતીય વાયુસેનાના અન્ય વિમાની સાથે સુખોઇ 30MKI લડાકૂ વિમાન પણ લદ્દાખના લેહ હવાઇ એરપોર્ટ પરથી ઉડાન ભરે છે.