ટેલિકોમ કંપનીઓ દેશભરમાં ચાઇનીઝ એપ્લિકેશન્સ બંધ કરવા માટે મોટું પગલું લેશે! સરકારે લોકપ્રિય ચાઇનીઝ એપ્લિકેશન ટિકટોક સહિત 59 ચીની એપ્લિકેશનો પર પ્રતિબંધ મૂક્યો છે. ગૂગલ પ્લે સ્ટોર પરથી 59 ચીની એપ્સને દૂર કર્યા બાદ હવે ટેલિકોમ કંપનીઓ પણ તેને રોકવા માટે તૈયાર છે. આ કંપનીઓ સરકારના આદેશની રાહ જોઇ રહી છે. ઓર્ડર મળ્યા પછી તેની તુરંત કાર્યવાહી કરવામાં આવશે.
ટેલિકોમ કંપનીઓ પાસે કોઈપણ એપને રોકવાની ટેક્નિક છે
ટેલિકોમ કંપનીઓ આ રીતે આ 59 એપ્લિકેશનોને બંધ કરશે
કંપનીઓ સરકારના આદેશની રાહ જોઇ રહી છે
લોકપ્રિય ચાઇનીઝ એપ્લિકેશન ટિકટોક સહિત સરકારે 59 ચીની એપ્લિકેશનો પર પ્રતિબંધ મૂક્યો છે. મનાઈ રહ્યું છે કે આ ચાઇનીઝ એપ્સને ખાનગી ગોપનીયતાની સુરક્ષાની બાબત છે. આ પછી ગૂગલ પ્લે સ્ટોરમાંથી તેને દૂર કરવામાં આવી છે. સૂત્રો પાસેથી એક મીડિયાને પ્રાપ્ત માહિતી અનુસાર હવે ટેલિકોમ કંપનીઓ પણ તેને રોકવા માટે તૈયાર છે. આ કંપનીઓ સરકારના આદેશની રાહ જોઇ રહી છે. ઓર્ડર મળ્યા પછી તેની પર તુરંત કાર્યવાહી કરવામાં આવશે.
ઉલ્લેખનીય છે કે ગલવાન ખીણમાં ભારત અને ચીની સૈનિકો વચ્ચે લોહિયાળ અથડામણ બાદ દેશમાં ચીની ચીજો સામે વિરોધ પ્રદર્શિત થયો હતો. સોશિયલ મીડિયામાં ચાઇનીઝ એપનો બહિષ્કાર કરવાનો ટ્રેન્ડ ચાલી રહ્યો હતો. ત્યારે હવે ભારત સરકારે 59 ચીની એપ્સ પર પ્રતિબંધ મૂક્યો છે.
ટેલિકોમ કંપનીઓ કેવી રીતે આ 59 એપ્લિકેશનોને બંધ કરશે
ટેલિકોમ કંપનીઓ તેમને રોકવા માટે બિલકુલ તેવા જ પગલા લેશે જેવા વેબસાઇટને રોકવા માટે લેવામાં આવે છે. તેની લિંક્સ અને તેની સાથે સંકળાયેલ ડેટા બંધ કરવામાં આવશે.
કોઈપણ એપને રોકવાની ટેક્નિક છે
ટેલિકોમ કંપનીઓનું કહેવું છે કે તેમની પાસે કોઈપણ એપને રોકવાની ટેક્નિક છે. ફક્ત તે એપ્લિકેશનનો આઈપી બંધ કરવો પડશે. તે પછી એપ્લિકેશન કામ કરવાનું બંધ કરી દેશે.