આત્મનિર્ભર ભારત / ચીની એપ પરના પ્રતિબંધથી આ ભારતીય એપ્સના યુઝર્સ વધ્યા, અધધના પેકેજ સાથે મળી રહી છે નોકરી

• ચીની એપ પર પ્રતિબંધ બાદ ભારતીય કંપનીઓને ફાયદો
• ટિકટોર એપ પર પ્રતિબંધ બાદ ભારતીય એપ્સને ફાયદો
• મિત્રો, ટ્રેલ, અઇસ્મા, લોકો અને રૂસ્ટર જેવી એપ્સના વધ્યા યુઝર
• ભારતીય એપ ડેવલપર્સે શરૂ કરી કર્મચારીઓની ભરતી

ચીની એપના બંધ થવાની ભારતીય એપને બજાર મળ્યું છે. જેને પગલે ભારતીય કંપનીઓએ સારી સેલરી સાથે નવા કર્મચારીઓની ભરતી ચાલુ કરી છે. કોરોના છતા કેટલીક કંપનીઓ આ નાણાકીય વર્ષ પુરુ થતા પહેલા તેના કર્મચારીઓ બે ગણા કરી દેવાની ફિરાકમાં છે.

જ્યારથી ચીની એપ બંધ થઈ છે ત્યારથી અત્યાર સુધીમાં ગેમ સ્ટ્રીમિંગ એપ  Rheo TVનું ડાઉનલોડ વધીને બે ગણુ થયું છે.  Rheo TV ના ફાઉન્ડર સક્ષમ કેસરી કહે છે કે આનુ કારણ ચીની એપ પરનો પ્રતિબંધ તો છે જ સાથે સાથે કોરોના પણ  છે. કેમ કે બધા જ લોકો ઘરમાં બંધ હતા. એપનો સુંદર ઉપયોગ કરી રહ્યા હતા. વીડિયો એપ  Trellના કો ફાઉન્ડર પુલકિત અગ્રવાલ કહે છે કે વર્ષના અંત સુધીમાં પોતાની ટીમની સાઈઝ 100 સુધી કરવાનો પ્લાન છે. તેમની પાસે 200 રેજ્યુમ પહેલાથી જ છે.

લોન્ગ હાઉસ કંસલ્ટિંગના મેનેજર પાર્ટનર અંશુમાન દાસ કહે છે કે ભારતીય એપ કંપનીઓ સાથેની વાતચીત ચાલુ છે. મિડ સિનિયર પોસ્ટ માટે 60-70 લાખનું પેકેજ આપવામાં આવી રહ્યું છે. Rooster લગભગ 10 એન્જિનિયર હાયર કરવાનું વિચારી રહ્યા છે. જેની ઓછામાં ઓછી સેલેરી 15-18 લાખ રુપિયા હશે.