ચર્ચા / TikTok ભારતમાં આવી શકે છે પરત, આ કંપનીઓ કરી રહી છે ખરીદવાની તૈયારી

• ભારતમાં પરત આવી શકે છે TikTok
• આ કંપની ખરીદી શકે છે TikTokના એસેટ
• જુલાઈમાં બંધ થયું હતું TikTok એપ

ભારતમાં ફરી એકવાર TikTok પરત આવે તેવી શક્યતાઓ જોવા મળી રહી છે. ટિકટોકની ભારતીય એસેટને જાપાની કંપની સોફ્ટબેંક ખરીદવાની તૈયારી કરી રહ્યું છે. મળતી માહિતી અનુસાર તે ભારતીય ભાગીદારીની શોધમાં છે અને આ માટે રિલાયન્સ જિઓ અને ભારતી એરટેલ સાથે વાતચીત કરી રહી છે. 

જુલાઈમાં લાગ્યો હતો TikTok પર બેન

ઉલ્લેખનીય છે કે જુલાઈમાં ભારત સરકારે રાષ્ટ્રિય સુરક્ષા અને ગોપનીયતાને ધ્યાનમાં રાખીને ટિકટોક સહિત 58 ચીની એપ પર પ્રતિબંધ મૂક્યો હતો. આ સમયે શંકા હતી કે કંપની યૂઝર્સના ડેટા ચીનની સરકારની સાથે શેર કરી રહી છે. TikTok પર અમેરિકામાં પણ બેન મૂકાયો છે અને અહીં પણ તેનો કારોબાર ખરીદવાની કોશિશ અનેક કંપનીઓ કરી રહી છે. 

આ કંપનીઓ સાથે ચાલી રહી છે વાતચીત

TikTokની ચીની પેરન્ટ કંપની બાઈટડાન્સમાં જાપાની સમૂહ સોફ્ટબેંકની પહેલેથી ભાગીદારી છે. બ્લૂમબર્ગના આધારે ટિકટોકના ભારતીય કારોબાર ખરીદવાની કોશિશ શરૂ થઈ છે. રિલાયન્સ જિઓ ઈન્ફોકોમ અને ભારતી એરટેલને ભાગીદાર બનાવવાની વાતચીત પણ ચાલી રહી છે. જિઓ અને એરટેલે આ માટે કોઈ ટિપ્પણમી કરવાની મનાઈ કરી છે. સોફ્ટબેંક અન્ય વિકલ્પની શોધમાં છે. 

જાપાની કંપની સોફ્ટબેંકે ભારતમાં ઓલા કેબ્સ, સ્નેપડીલ, ઓયો રૂમ્સ જેવા અનેક સ્ટાર્ટઅપમાં રોકાણ કર્યું છે. આ પહેલાં ઓગસ્ટમાં ચર્ચા હતી કે ટિકટોરના ભારતીય કારોબારને રિલાયન્સ ખરીદી શકે છે. 

ભારતમાં ઘણી લોકપ્રિય છે એપ

બેનના સમયે ટિકટોકના 30 ટકા યૂઝર ભારતીય હતી. આ સમયે લગભગ 10 ટકા કમાણી ભારતથી થતી હતી. એપ્રિલ 2020 સુધીમાં ગૂગલ પ્લે સ્ટોર  અને એપલ એપ સ્ટોરથી ટિકટોકના 2 અરબ ડાઉનલોડ કરાયા હતા. તેમાંથી 30.3 ટકા કે 61.1 કરોડ ડાઉનલોડ ભારતમાં કરાયા હતા. મોબાઈલ ઈન્ટેલીજન્સ ફર્મ સેંસર ટાવરના અનુસાર ટિકટોકના ડાઉનલોડ ભારતમાં ચીનથી પણ વધારે હતા. ચીનમાં ટિકટોકના ડાઉનલોડ ફક્ત 19.66 કરોડ છે જે કુલ ડાઉનલોડના 9.7 ટકા ભાગ છે.