લદ્દાખ / ચીનના સૈનિકોની પીછેહટ, બંને દેશ વચ્ચેની મહત્વની બેઠક પહેલા છેલ્લા 4 દિવસથી જોવા મળી શાંતિ

સૂત્રોના જણાવ્યાં મુજબ ચીનીની સેના એક જગ્યા પર પોતાની પહેલાની સ્થિતિથી પાછળ હટી છે. જ્યારે બાકીની જગ્યાઓ પર પણ કેટલાંક દિવસોથી આક્રમક વલણ જોવા મળી રહ્યું નથી. ચીનની સેના વલણમાં આ ફેરફાર 6 જૂનથી પ્રસ્તાવિત બંને દેશોની લેફટેનન્ટ જનરલ રેંકના અધિકારીઓની બેઠકપહેલા જોવા મળ્યો છે. જેને સરહદ પરના વિવાદના સમાધાન પહેલાનું સકારાત્મક પગલું માનવામાં આવી રહ્યું છે. 

એક મહિનાથી ચાલી રહ્યો છે વિવાદ

લદ્દાખમાં 5 મે અને સિક્કિમ સરહદ પર 9 મે ના રોજ ભારત અને ચીનના સૈનિકો વચ્ચે હિંસક ઝડપ થઇ હતી. ત્યારબાદથી લદ્દાખમાં તણાવ જોવા મળી રહ્યો છે. આ દરમિયાન બંને દેશોએ LaC પર સૈનિકની તૈનાતી વધારી દીધી છે.

વિવાદના સમાધાનને લઇને બંને દેશો વવચ્ચે અલગ-અલગ સ્તર પર અંદાજે એક ડઝનથી વધારે વાતચીત થઇ ચુકી છે. આ દરમિયાન ચીનની વાયુસેના દ્વારા લદ્દાખના આસપાસ યુદ્ધક વિમાન ઉડાવાનો મુદ્દો પણ ઉઠાવામાં આવ્યો.