ચીનમાં આગામી મહિનામાં બેઈજિંગ શીતકાલીન ઓલિમ્પિક પહેલા તિયાનજિંગ શહેરના તમામ લોકોના કોરોના ટેસ્ટ કરાવવાનો તંત્રે નિર્ણય લીધો છે.
ચીનમાં કોરોનાની ભયાનક ત્રીજી લહેર ચાલી રહી છે
ચીનના તિયાનજિંગ શહેરમાં તમામ લોકોનો કોરોના ટેસ્ટ થશે
તિયાનજિંગની વસતી 1.40 કરોડ
દેશમાં કોરોના અને ઓમિક્રોન આઉટ ઓફ કન્ટ્રોલ થતા ચીન સરકારે એક મોટો નિર્ણય લીધો છે. ચીનમાં કોરોનાની ભયાનક ત્રીજી લહેર ચાલી રહી છે. રાજધાની બેઈજિંગ ઉપરાંત તિયાનજિન શહેરમાં કોરોનાની ત્રીજી લહેર ચાલી રહી છે. એટલે હવે શહેર પ્રશાસન દ્વારા તિયાનજિન શહેરના 1.40 કરોડ લોકોનો કોરોના ટેસ્ટ કરાવવાનો નિર્ણય લીધો છે. ચીન સરકાર દ્વારા લેવામાં આવેલ આ નિર્ણય બાકી દેશોએ પણ અપનાવવા જેવો છે.
કોઈ એક શહેરના તમામ લોકોના કોરોના ટેસ્ટની વર્લ્ડની પહેલી ઘટના
મહામારીની શરુઆત બાદ વિશ્વમાં પહેલી વાર તિયાનજિંગ પ્રશાસન દ્વારા શહેરના તમામ લોકોનો કોરોના ટેસ્ટ કરાવવાનો નિર્ણય લેવાયો છે. બીજા શહેરોએ પણ આ પગલાનું અનુકરણ કરવાની જરુર છે. બધા લોકોનો કોરોના ટેસ્ટ કરાવવાથી સંક્રમણની સંપૂર્ણ જાણકારી મળી શકે છે.
બાકીના દેશોએ પણ અપનાવવા જેવો નિર્ણય
નિષ્ણાંતોએ જણાવ્યું કે કોરોનાને અટકાવવા માટેનો આ એક સારો ઉપાય છે. તેનાથી સંક્રમણની ગતિની ખબર પડે છે. શહેરના તમામ લોકોનો ટેસ્ટ થવાથી કોણ પોઝિટીવ કોણ નેગેટિવ છે તેની તંત્રને ખબર પડી રહી છે એટલે કોરોનાને નાથવામાં ઘણી રાહત મળી રહે છે.
તિયાનજિન અને બેઇજિંગ વચ્ચે દરરોજ હજારો લોકો મુસાફરી કરે છે
તિયાનજિન અને બેઇજિંગ વચ્ચે દરરોજ હજારો લોકો મુસાફરી કરે છે કારણ કે આ બંને શહેરો વચ્ચે હાઇ સ્પીડ ટ્રેન દ્વારા મુસાફરી કરવામાં માંડ ૩૦ મિનિટ નો સમય લાગે છે. અધિકારીઓએ જણાવ્યું હતું કે, 20 લોકો કોવિડ-19 પોઝિટિવ હોવાનું જાણવા મળ્યા બાદ તિયાનજિનએ શહેરભરમાં ટેસ્ટિંગ કરવાનો નિર્ણય લીધો છે. મ્યુનિસિપલ કોવિડ-19 પ્રિવેન્શન એન્ડ કન્ટ્રોલ હેડક્વાર્ટરે જણાવ્યું હતું કે ચેપના કેસ શુક્રવારે અને શનિવારે જિનાન જિલ્લામાં આવ્યા હતા અને જાણવા મળ્યું હતું કે આમાંથી બે કેસ માઇક્રોન ફોર્મેટના હતા.