યુક્રેન પર હુમલાના રશિયાના નિર્ણયનો વિરોધ કરવાને બદલે ચીને તેને એક મદદ પૂરી પાડીને તેનો ઈરાદો છતો કર્યો છે.
રશિયાના હુમલા બાદ આખી દુનિયા યુક્રેનને પડખે
એકમાત્ર ચીને રશિયાની આપી મદદ
ચીને રશિયામાં ઘઉની આયાતને આપી મંજૂરી
આને કારણે રશિયાને મળશે મોટી મદદ
રશિયાના હુમલા બાદ આખી દુનિયા આજે જ્યારે યુક્રેનની મદદે આવી છે અને રશિયાના હુમલાને ગેરવ્યાજબી કહીને તેની પડખે ઊભી છે ત્યારે એક દેશની માનવતા મરી પરવારી છે અને ઉલટાનું તેણે રશિયાને મદદની જાહેરાત કરી દીધી. ચીને યુક્રેનને મદદ કરવાને બદલે રશિયાની મદદ કરવાની જાહેરાત કરી છે.
ચીને રશિયાને આર્થિક સંકટમાં કામ લાગે તેવો નિર્ણય લીધો
યુક્રેન પર હુમલા બાદ પશ્ચિમી દેશોએ રશિયાને પાઠ ભણાવવા તેના પર અનેક આકરા પ્રતિબંધો લગાવ્યા છે. અમેરિકા, નાટો અને યુરોપિયન યુનિયને રશિયા સામે આકરા આર્થિક પ્રતિબંધોની જાહેરાત કરી છે. આ દરમિયાન ચીનનો એક નિર્ણય રશિયાને આ આર્થિક સંકટમાં ઘણી મદદ કરી શકે છે.
રશિયાને ઘઉની આયાતની મદદની મંજૂરી આપી
એક તરફ ચીને રશિયા દ્વારા યુક્રેન પર કરવામાં આવેલા હુમલાને લઈને ડાયરેક્ટ તો કંઈ પણ કહેવાની ના પાડી દીધી છે પરંતુ રશિયા માટે ઘઉંની આયાતને મંજૂરી આપી દીધી છે. ચીનમાં ઘઉંની નિકાસ કરવાથી રશિયાને મોટી આર્થિક મદદ મળવાની અપેક્ષા છે. આનાથી તે યુરોપ અને અમેરિકામાં પ્રતિબંધોમાં ઘટાડો કરી શકશે.ચીને છેલ્લા કેટલાક વર્ષોમાં ગેસ અને તેલની ખરીદીના સંદર્ભમાં રશિયા પરની તેની નિર્ભરતામાં વધારો કર્યો છે. તેનાથી તેને ફાયદો પણ થઈ રહ્યો છે. વર્ષ 2014માં ક્રિમિયા પર આક્રમણ બાદ રશિયાએ તમામ પ્રકારના પશ્ચિમી પ્રતિબંધોનો સામનો કરવો પડ્યો છે, ત્યારથી તેની ચીનને મોકલવામાં આવતી વસ્તુઓ પર નિર્ભરતા વધી છે. ભારત ઉપરાંત ચીન એક મોટો દેશ છે જેણે હજુ સુધી યુક્રેન પર રશિયાના નિર્ણયની નિંદા કરી નથી. એટલું જ નહીં, એક ડગલું આગળ વધીને ચીને આ તણાવ માટે નાટો દેશોને જવાબદાર ઠેરવ્યા છે.
બહાર જાવ તો ચીનનો ઝંડો લગાવો, નાગરિકોને ડ્રેગનની સલાહ
ચીનના વિદેશ મંત્રાલયના પ્રવક્તા હુઆ ચુનયિંગે કહ્યું, "અમે હજુ પણ આશા રાખીએ છીએ કે આ મામલામાં સામેલ તમામ પક્ષો હજુ પણ શાંતિનો માર્ગ અવરોધશે નહીં." વાતચીત ચાલુ રાખશે જેથી યુદ્ધની સ્થિતિ ટાળી શકાય. આ સિવાય ચીને યુક્રેનમાં રહેતા પોતાના નાગરિકોને પણ પાછા બોલાવ્યા નથી. તેમણે પોતાના નાગરિકોને કહ્યું કે તેઓ તેમના ઘરની અંદર જ રહે અને જો તેઓ મુસાફરી કરવા માંગતા હોય, તો વાહન પર ચીનનો ધ્વજ અવશ્ય લગાવો.
જે લોકો આજે નિંદા કરી રહ્યા છે, તેઓએ શું કર્યું', ચીને અમેરિકાને ટોણો માર્યો
ચીનના પ્રવક્તાએ કહ્યું કે, 'તણાવ વધારવાને બદલે તમામ પક્ષોએ યુદ્ધની સંભાવનાને ટાળવા માટે કામ કરવું જોઈએ. શાંતિ મંત્રણા ચાલુ રાખવી જોઈએ. જેઓ આજે બીજાની નિંદા કરવામાં વ્યસ્ત છે તેઓએ પણ સમજવું જોઈએ કે તેઓએ શું કર્યું છે. રશિયાના રાષ્ટ્રપતિ વ્લાદિમીર પુતિન તાજેતરમાં વિન્ટર ઓલિમ્પિક દરમિયાન ચીનની મુલાકાતે ગયા હતા. છેલ્લા કેટલાક વર્ષોમાં વેપાર અને અન્ય બાબતોના સંદર્ભમાં બંને દેશો વચ્ચેના સંબંધોમાં ઝડપથી વધારો થયો છે. આ જ કારણ છે કે આ સંકટ સમયે ચીનને રશિયાનો સૌથી મહત્વપૂર્ણ સહયોગી માનવામાં આવે છે.