ચીનમાં વિન્ટર ઓલિમ્પિક્સ અગાઉ જ એક આખા શહેરને લોકડાઉન કરવામાં આવ્યું છે. જર્મનીમાં નવા વર્ષની ઉજવણી પર પ્રતિબંધ લગાવી દેવામાં આવ્યો છે તો બ્રિટનમાં એક દિવસમાં એક લાખ કેસ આવ્યા
દૂનિયાને કોરોના વાયરસની મહામારીમાં ધકેલનાર ચીન પોતે ફરી એકવાર તેની ઝપેટમાં આવ્યું છે એવું જણાઈ રહ્યું છે.
ચીનમાં સંક્રમણ ઝડપથી ફેલાઈ રહ્યું છે અને સરકારે કડક પગલાં ભરવા પડશે. કોરોનાના નવા વેવને રોકવા માટે ચીને 13 મિલિયનની વસ્તીવાળા ઉત્તરીય શહેર ઝિયાનમાં લોકડાઉનનો આદેશ આપ્યો છે. લોકોને કહેવામાં આવ્યું છે કે જ્યાં સુધી અત્યંત જરૂરી ન હોય ત્યાં સુધી ઘરની બહાર ન નીકળો. આ ઉપરાંત, ખાસ કેસ સિવાય શહેરમાંથી આવવા-જવાના તમામ વાહનવ્યવહારને સ્થગિત કરવામાં આવ્યા છે.
24 કલાકમાં 54 નવા કેસ નોંધાયા
આ આદેશ આજથી એટલે કે ગુરુવારે મધરાતથી લાગુ થશે અને આગળના આદેશ સુધી ચાલુ રહેશે. આદેશમાં કહેવામાં આવ્યું છે કે ઘરેલું ઉપયોગની આવશ્યક ચીજવસ્તુઓ ખરીદવા માટે દરેક ઘરમાંથી એક વ્યક્તિને દર બે દિવસે બહાર જવાની મંજૂરી આપવામાં આવશે. છેલ્લા 24 કલાકમાં શિયાનમાં કોરોના વાયરસના ચેપના 54 કેસ નોંધાયા છે, જેના કારણે આ સંખ્યા વધીને 143 થઈ ગઈ છે.
શહેરની બહાર ચેકપોસ્ટ બનાવવામાં આવી ચીને આ નિર્ણય એવા સમયે લીધો છે જ્યારે થોડા સમય પછી અહીં વિન્ટર ઓલિમ્પિક્સ (2022 વિન્ટર ઓલિમ્પિક્સ) શરૂ થવા જઈ રહી છે. સરકાર દ્વારા જારી કરાયેલા આદેશમાં કહેવામાં આવ્યું છે કે લાંબા-અંતરના બસ સ્ટેશનો બંધ કરી દેવામાં આવ્યા છે અને અધિકારીઓએ શિયાનની બહારના હાઈવે પર ચેકપોસ્ટ લગાવી છે. જેથી ન તો કોઈ શહેરની બહાર જઈ શકે અને ન તો કોઈને પ્રવેશ મળે. ઉપરાંત, શહેરના મુખ્ય એરપોર્ટ પર આવતી અને જતી 85 ટકાથી વધુ ફ્લાઇટ્સ પણ હાલ માટે બંધ કરી દેવામાં આવી છે.
આ કારણે સરકારની ચિંતા વધી
શરૂઆતથી જ ચીને કોરોના સંક્રમણને રોકવા માટે કડક નિયંત્રણોનો આશરો લીધો છે. બેઇજિંગ કોરોના પ્રોટોકોલના કડક અમલીકરણ અને મોટા પાયે ટેસ્ટિંગ, અને રસીકરણ દ્વારા મોટા પ્રમાણમાં કોરોનાનો સામનો કરવામાં સફળ રહ્યું હતું, પરંતુ હવે ફરીથી કેસ સામે આવવા લાગ્યા છે.
આવી સ્થિતિમાં 4 ફેબ્રુઆરીથી શરૂ થવા જઈ રહેલા બેઈજિંગ ઓલિમ્પિક પહેલા સરકારની ચિંતા વધી ગઈ છે. નોંધપાત્ર રીતે, 2019 ના અંતમાં કોવિડ -19 પ્રથમ વખત મળી આવ્યા પછી ચીને વુહાન અને તેની આસપાસના 11 મિલિયનથી વધુ લોકોને તેમના જ ઘરોમાં કેદ કરી લીધા હતા.
બ્રિટનમાં એક દિવસમાં એક લાખ કેસ
બ્રિટનમાં કોરોના અને તેના વેરિયન્ટ ઓમિક્રોને હાહાકાર મચાવી દીધો છે. છેલ્લા ચોવીસ કલાકમા બ્રિટનમાં 1થી લાખથી વધારે કોરોના કેસ આવતા દુનિયામાં હડકંપ મચ્યો છે. બ્રિટનમાં અત્યાર સુધી ઓમિક્રોન વેરિયન્ટથી 12 લોકોના મોત થતા જોન્સન સરકારે નાતાલના દિવસે લોકડાઉન લગાડવાની તૈયારી કરી છે. અત્યાર સુધીમાં નવા વેરિયન્ટે 12 લોકોનો ભોગ લીધો છે. જોન્સન સરકારે દેશમાં લોકડાઉન લગાડવાની તૈયારી કરી છે. સરકારને ડર છે કે જો ક્રિસમસના તહેવારમાં લોકડાઉન ન લગાડાયું તો દેશની હાલત બેકાબુ થઈ શકે છે.
એક મહિનામાં 91 દેશોમાં ફેલાયો ઓમિક્રોન
સૌથી પહેલા 24 નવેમ્બરે દક્ષિણ આફ્રિકામાં મળેલા ઓમિક્રોન વેરિયન્ટ અત્યાર સુધી દુનિયાના 91 દેશોમાં ફેલાયો છે. હજુ પણ નવા નવા દેશોમાં પગપેસારો કરી રહ્યો છે. ઓમિક્રોન વેરિયન્ટ ડેલ્ટા કરતા 70 ઘણું વધારે સંક્રમણ ફેલાવી શકે છે.
જર્મનીમાં ન્યુ યર સેલિબ્રેશન નહીં
જર્મનીમાં નવા વર્ષની ઉજવણી કરવાની મનાઈ ફરમાવી દેવામાં આવી છે.