બેઇજિંગ એજન્સીઃ ચીનમાં દુનિયાનું પહેલું જેનેટિકલી મૉડિફાઇડ બાળક પેદા થવાનો દાવો કરવામાં આવ્યો છે. અહીંનાં એક શોધકર્તાનો એવો દાવો છે કે તેઓએ જેનિટિકલી એડિટેડ કરીને જુડવા બાળકીઓ (લૂલૂ અને નાના)નાં ભ્રૂણને વિકસિત કરેલ છે. જેનો આ જ મહીને જન્મ થયો છે.
માનવ ભ્રૂણમાં જીનને એડિટ કરવા માટે એક નવી ટેક્નિકનો ઉપયોગ કરેલ છે. શોધકર્તા હે જિયાંકુઇએ અનેક વર્ષ સુધી લેબમાં ઉંદર બંદર અને માનવીનાં ભ્રૂણ પર અધ્યયન કર્યું છે. પોતાની આ ટેક્નિકનાં પેટેંટની તેઓએ અરજી આપી છે.
અમેરિકાને છોડી દીધું પાછળઃ
આ અધ્યયનમાં અમેરિકાનાં ફિઝિક્સ અને બૉયોએન્જીનીયર પ્રોફેસર માઇકલ ડીમ પણ શામેલ હતાં. ચીન અને અમેરિકા વધારે સમયથી જેનિટિકલી એડિટેડ ભ્રૂણ પર શોધ કરી રહ્યાં હતાં. જો કે અમેરિકામાં જીન એડિટિંગ પ્રતિબંધિત છે.
તેઓનું માનવું એમ છે કે ડીએનએમાં કૃત્રિમ રીતે કરવામાં આવેલ પરિવર્તન આગામી પેઢી સુધી પહોંચી શકે છે અને અન્ય જીન્સને પણ નુકસાન પહોંચાડી શકે છે. ચીનમાં માનવીય ક્લોન બનાવવા અને અધ્યયન પર પ્રતિબંધ છે પરંતુ આ પ્રકારનાં શોધની પરવાનગી છે. મહત્વનું છે કે ચીને દુનિયામાં પહેલી વાર જેનિટિકલી એડિટેડ ભ્રૂણને માનવીય કોખમાં રાખ્યું અને આને પેદા કરવામાં સફળતા હાંસલ કરી.
શું છે આ ડિઝાઇનર બેબી?
દરેક વ્યક્તિની એવી ઇચ્છા હોય છે કે તેઓનું બાળક બિલકુલ સ્વસ્થ અને અતિ સુંદર હોય. તેનાં વાળ મુલાયમ હોય આંખો ભરાવદાર હોય જેવી વગેરે. ત્યારે આજનાં આ યુગમાં વૈજ્ઞાનિક આવું કરવામાં પણ સક્ષમ છે પરંતુ આને કુદરત સાથેનાં નિયમોમાં છેડછાડ કરી હોવાનું માનવામાં આવે છે. આ ટેક્નિકમાં ભ્રૂણનાં DNA સાથે છેડછાડ એટલે કે ફેરફાર કરવામાં આવે છે.
શું છે આ સમગ્ર પ્રક્રિયા?
અંડાણુ અને શુક્રાણુનું શરીરની બહાર નિષેચન (ઇન વિટ્રો ફર્ચટિલાઇઝેશન) કરાવ્યું હતું. જ્યારે ભ્રૂણ ત્રણથી પાંચ દિવસનું થયું તો તેનાં જીનમાં ફેરફાર કરવામાં આવ્યો. શોધમાં શામેલ કપલમાં પુરૂષ એઇડ્સથી ગ્રસ્ત હતાં અને મહિલાઓ આનાંથી સુરક્ષિત હતી.
આ કપલોને એવું પૂછવામાં આવ્યું કે ફેરફાર કરવામાં આવેલ જીનવાળા ભ્રૂણને રોપિત કરવા ઇચ્છશો અથવા તો સામાન્ય જીનવાળા ભ્રૂણને. 22માંથી 16 ભ્રૂણનાં જીનમાં ફેરફાર કરવામાં આવ્યો હતો. આમાંથી 11 ભ્રૂણને છ અલગ-અલગ મહિલાઓનાં ગર્ભમાં રોપવાની કોશિશ કરવામાં આવી. આમાંથી માત્ર જુડવા બાળકીઓનાં ભ્રૂણને રોપિત કરવાનું સફળ થયું.