આર્થિક સંકટમાં ઘેરાયેલા અફઘાનિસ્તાનને ઉભુ કરવા માટે તાલિબાન ચીનની મદદ લઈ શકે છે. આ મામલે તાલિબાની પ્રવક્તાએ પણ નિવેદન આપ્યું કે તેઓ ચીન પર હવે નિર્ભર રહેશે.
ચીન તાલિબાનની મદદ કરશે
અફઘાનિસ્તાનમાં આર્થિક સંકટ કરશે દૂર
તાલિબાની પ્રવક્તાએ આપ્યુ મોટું નિવેદન
ચીનની મદદ લઈને તાલિબાન અફઘાનિસ્તાનનું આર્થિક સંકટ દૂર કરશે. આ વાત તાલિબાનના પ્રવક્તા જબીઉલ્લા મુજાહિદે કહી છે. મીડિયા સાથે વાતચીત કરતા તેણે કહ્યું કે અફઘાનિસ્તાનમાંથી અમેરિકાની સેના ગયા બાદ તેમણે કબ્જો તો મેળવી લીધો પરંતુ તાલિબાન હવે ચીન પર નિર્ભર રહેશે તે વાતનો તેણે સ્પષ્ટ પણે ઉલ્લેખ કર્યો છે.
આર્થિક સંકટને લઈ તાલિબાન ટેન્શનમાં
વધુમાં તેણે એવું પણ કહ્યું કે તાલિબન ચીનની મદદ લઈને અફઘાનિસ્તાનનું આર્થિક સંકટ ઓછું કરશે. આપને જણાવી દઈએ કે તાલિબાને 15 ઓગસ્ટે કાબુલ પર કબ્જો મેળવ્યો હતો. ત્યારબાદથી દેશની આર્થિક સ્થિતી ઘણી ખરાબ છે.
વિશ્વના દેશોએ આર્થિક મદદ આપવાનું બંધ કર્યુ
અમેરિકા સહિતના દેશોએ અફઘાનિસ્તાનને હાલમાં આર્થિક મદદ આપવાનું બંધ કરી દીધુ છે. જેથી આવા સમયે તાલિબાનને માત્ર ચીન મદદ કરી શકે છે. જબીઉલ્લાહે કહ્યું કે ચીન તેનો સૌથી મહત્વનો ભાગીદાર છે તે અફઘાનિસ્તામાં રોકાણ કરીને દેશનું પુનનિર્માણ પણ કરી શકે છે.
શરતો રાખીને ચીન મદદ કરે છે
જોકે એક્સપર્ટોનું કહેવું છે કે ચીનની ભાગીદારી દેશની રાજનૈતિક સ્થિરતા પર આધાર રાખશે. કારણે ચીન મોટા પ્રમાણમાં મદદ નથી કરતું તે શરતો રાખીને સહાયતા આપતું હોય છે. ચીન માનવીય સહાયતા આપી શકશે. પરંતુ નવી સરકારને તે આર્થિક સંકટથી નહી બચાવી શકે. નાનું સરખુ રોકાણ ચીન કરી શકે પરંતું મોટા રોકાણ માટે દેશની સ્થિરતા તેમજ દેશની સુરક્ષા ઘણી મહત્વની રહેશે.
દેશના રૂપિયા અફઘાનિસ્તાનની બહાર
ઉલ્લેખનીય છે કે તાલિબાનને હાલ દેશ ચલાવા માટે રૂપિયાની જરૂર છે. પરંતુ અફઘાનિસ્તાનના 10 હજાર ડૉલર તે સરળતાથી નહી લઈ શકે. કારણકે તે રૂપિયા અફઘાનિસ્તાનની બહાર છે.