રસી / કોરોના સંકટ : ચીનની વેક્સિન માટે આ રીતે બલીનો બકરો બની ગયું પાકિસ્તાન, બંને દેશ વચ્ચે થયો કરાર

• પાકિસ્તાનમાં કોરોનાની રસીનું ક્લિનિકલ ટ્રાયલ 
• ચીન અને પાકિસ્તાન વચ્ચે થયો કરાર 
• પાકિસ્તાનમાં વેક્સિન લોન્ચ કરવામાં આવશે તેવો દાવો 

કોરોના મહામારીથી લડવા માટે ચીને એક વેક્સિન બનાવી છે જેનું આગામી ત્રણ મહિનામાં પાકિસ્તાનમાં ટ્રાયલ કરવામાં આવશે. આ માટે બંને દેશો વચ્ચે કરાર પણ કરવામાં આવ્યો છે. 

ત્રણ મહિનામાં વેક્સિન લોન્ચ કરવાનો દાવો 

આ ટ્રાયલમાં ચીન એ જણાવના પ્રયત્ન કરશે કે વેક્સિન કેટલી સફળ છે તથા તેના શું સાઈડ ઈફેક્ટ છે. પાકિસ્તાનની 92 ન્યૂઝ ચેનલ થી વાતચીત દરમિયાન નેશનલ ઈન્સ્ટીટ્યુટનાં ડોકટર આમિર ઈકરામે કહ્યું હતું કે ચીને વેક્સિનનું કામ શરુ કરી દીધું છે તથા એવી આશા છે કે પાકિસ્તાનમાં આગામી ત્રણ મહિનામાં વેક્સિન લોન્ચ પણ કરી દેવામાં આવશે. 

પોતાના નાગરિકોના જીવ જોખમમાં તૈયાર પાકિસ્તાન 

નોંધનીય છે કે ચીન પાકિસ્તાનમાં જે ક્લિનિકલ ટ્રાયલ કરવા જઈ રહ્યું છે તે ટ્રાયલમાં જે તે મનુષ્ય પર ખૂબ ખતરો રહે છે. વ્યક્તિ પોતાનો જીવ પણ ગુમાવી શકે છે. આ બધા ખતરાઓ છતાં પાકિસ્તાન ચીનને ખુશ કરવા માટે પોતાના નાગરીકોના જીવ જોખમ મૂકવા તૈયાર થઇ ગયું. આ પહેલાં જ ચીને એલાન કર્યું હતું કે હવે તે દેશની બહાર કોરોના વાયરસની રસીનું ટ્રાયલ કરશે. તથા એક રિસર્ચરે કહ્યું હતું કે ચીન હાલમાં એક રસી પર કામ કરી રહ્યું છે જેનું ટ્રાયલ બીજા દેશમાં કરવામાં આવશે. 

ચીન કેમ વિદેશોમાં ટ્રાયલ કરી રહ્યું છે ? 

તથા આ માર્ચ મહિનાથી રસીનું પરીક્ષણ વુહાનમાં કરવામાં આવી રહ્યું હતું. તથા આ રસીનું પરિણામ એપ્રિલ મહિનામાં જ આવી જશે તેવો દાવો કરવામાં આવ્યો હતો. ચીનમાં વસતા વિદેશીઓ રસીનું ટ્રાયલ કરવામાં આવશે. ચાઇનીઝ મિલિટ્રિ સાયન્સ એકેડેમીનાં શોધકર્તા ચેનએ કહ્યું કે આ રસીનું તાર્ય્લ અન્ય દેશોમાં કરવામાં આવશે. નોંધનીય છે કે કોરોના વાયરસના કારણે પાકિસ્તાનમાં ઘણા બધા લોકો વાયરસથી સંક્રમિત છે.