બાળકોને કમ્યુનિસ્ટ પાર્ટીના માનસિક ગુલામ બનાવવાના પ્રયત્નો બાદ હવે ચીનની સરકાર તેમને અંગ્રેજીથી દૂર કરવા માંગે છે.
ચીનની કમ્યુનિસ્ટ સરકારને હવે અંગ્રેજીથી વિરોધ
શાળાના પાઠ્યક્રમથી હટાવવાનો પ્રસ્તાવ
આ અજીબ પ્રસ્તાવ પર હોબાળો
ચીનની શાળાઓમાં અંગ્રેજીને એક પ્રકારે પ્રતિબંધ લગાવવાની તૈયારી ચાલી રહી છે. રાષ્ટ્રીય સલાહકાર સમિતિના એક સભ્ય દ્વારા પ્રાથમિક અને માધ્યમિક શાળાઓમાં અંગ્રેજીને મુખ્ય વિષયથી હટાવવાનો પ્રસ્તાવ આપવામાં આવ્યો છે. જોકે, આ પ્રસ્તાવને લઇને ચર્ચા શરૂ થઇ ગઇ છે. વધુ પડતા લોકોનું કહેવું છે કે, અંગ્રેજીને પાઠ્યક્રમથી હટાવવું ન જોઇએ, કારણ કે અન્ય દેશોની સાથે પ્રતિસ્પર્ધા કરવાની ક્ષમતા વિકસિત નહીં થાય.
આ સબ્જેક્ટ પર ભાર અપાયો
ચીનમાં સરકારના સમર્થનથી શાળાઓ અને કોલેજોને 2001થી અંગ્રેજી ભણાવવું ફરજિયાત કરી દેવાયું છે. જેના કારણે મંદારિન ભાષી દેશમાં અંગ્રેજીનું મહત્વ ઘણુ વધી ગયું છે અને આ હવે કમ્યુનિસ્ટ સરકારને પસંદ નથી આવી રહ્યું. ચીની લોક રાજનીતિક સલાહકાર સંમમેલનની રાષ્ટ્રીય સમિતિના સભ્ય શુ જિને પોતાના પ્રસ્તાવમાં કહ્યું કે, અંગ્રેજીને ચીની અને ગણિત જેવા વિષયોની જેમ મુખ્ય વિષય તરીકે ન ભણાવવુ જોઇએ. તેના બદલે શારીરિક શિક્ષા, સંગીત અને કલા જેવા વિષયોમાં વિદ્યાર્થીઓનું કૌશલ્ય વધારવવા પર ધ્યાન કેન્દ્રીત કરવું જોઇએ.
10 ટકાથી પણ ઓછા કરે છે ઉપયોગ
શુ જિને સલાહ આપી છે કે, રાષ્ટ્રીય કોલેજ પ્રવેશ પરીક્ષા માટે અંગ્રેજી અને અન્ય વિદેશી ભાષાઓને ફરજિયાત વિષયના રૂપમાં સામેલ ન કરવા જોઇએ. તેમણે કહ્યું કે, વર્ગોના કલાકોના 10 ટકા અંગ્રેજી ભણતરમાં ખર્ચ થાય છે અને વિશ્વવિદ્યાલયના 10 ટકાથી પણ ઓછા ગ્રેજ્યુએટ તેનો ઉપયોગ કરે છે, એટલા માટે અંગ્રેજી પર ફોકસ ઓછું કરવું જોઇએ.
આ અજીબ પ્રસ્તાવ પર હોબાળો
શુના પ્રસ્તાવ પર સોશિયલ મીડિયામાં ચર્ચા તેજ બની ગઇ છે અને ચીનની માઇક્રોબ્લૉગિંગ વેબસાઇટ વીબો પર લોકો પ્રસ્તાવને લઇને ચર્ચા કરી રહ્યા છે. વધુ પડતા લોકોનું એમ કહેવું છે કે અંગ્રેજી પાઠ્યક્રમથી ન હટાવવું જોઇએ.