અમેરિકાથી શાંઘાઈ આવી રહેલી ફ્લાઈટને લેન્ડ કરવાની મંજૂરી આપવામાં આવી ન હતી. કારણ કે વિમાનમાં મહામારીને લગતી સ્વચ્છતાની આવશ્યકતાઓનું પાલન કરવામાં આવ્યું ન હતું.
અમેરિકાથી ચીનના શાંઘાઈ શહેર જઈ રહેલી ફ્લાઈટને હવામાં જ પરત ફરવું પડ્યું.
વિશ્વભરમાં કોરોનાના સંક્રમણ લઈને 4500 ફ્લાઈટ્સ રદ્દ કરવામાં આવી છે.
ચીનમાં વિન્ટર ઓલિમ્પિક પહેલા કોરોના મહામારીને રોકવાના પ્રયાસો કરાઈ રહ્યા છે.
અમેરિકાથી ચીનના શાંઘાઈ શહેર જઈ રહેલી ફ્લાઈટને હવામાં જ પરત ફરવું પડ્યું.
એવું કહેવામાં આવી રહ્યું છે કે આ ડેલ્ટા એરલાઇનના પ્લેને મહામારીને લગતી સ્વચ્છતા આવશ્યકતાઓનું પાલન કર્યું ન હતું, તેથી ફ્લાઇટને શાંઘાઈમાં ઉતરવાની મંજૂરી આપવામાં આવી ન હતી. આ સંદર્ભે, સાન ફ્રાન્સિસ્કોમાં ચીની કોન્સ્યુલેટે પોતાનો વિરોધ વ્યક્ત કર્યો અને એરલાઇન કંપનીને ઠપકો આપ્યો. તાજેતરના દિવસોમાં, કોરોના વાયરસની રોકથામને ધ્યાનમાં રાખીને ચીન તરફની ઘણી ફ્લાઇટ્સ રદ કરવામાં આવી છે. ઉલ્લેખનીય છે કે, ચીનમાં ફેબ્રુઆરી 2022માં યોજાનારી વિન્ટર ઓલિમ્પિક પહેલા દેશમાં કોરોના મહામારીને રોકવાના પ્રયાસો કરવામાં આવી રહ્યા છે. આ કારણે ચીનમાં સરકારી ઓથોરિટીએ ઘણી ફ્લાઈટ્સ કેન્સલ કરી દીધી છે અને હિલચાલ પર આંશિક પ્રતિબંધ લગાવી દીધો છે.
વિશ્વભરમાં કોરોનાના સંક્રમણ લઈને 4500 ફ્લાઈટ્સ રદ્દ કરવામાં આવી છે.
એક મીડિયો રિપોર્ટના અનુસાર અમેરિકાથી આવી રહેલી આ ફ્લાઈટમાં સવાર મુસાફરોના કોવિડ-19 ટેસ્ટ રિઝલ્ટ એક્સપાયર થઈ ગયા હતાં.તેથી આ ડેલ્ટા એરલાઈન્સ પ્લેનને અધવચ્ચેથી જ પરત ફરવું પડ્યું હતું. અમેરિકન એરલાઈન્સ ડેલ્ટાએ ઓમિક્રોન વેરિયન્ટમાં સંક્રમણને કારણે ક્રિસમસ દરમિયાન તેની ઘણી ફ્લાઈટ્સ રદ કરી હતી. એક રિપોર્ટ અનુસાર,વિશ્વભરમાં કોરોના વાયરસના સંક્રમણના ભયને કારણે 4500 ફ્લાઈટ્સ રદ્દ કરવામાં આવી છે.જણાવાઈ રહ્યું છે કે, તાઈવાન થી શાંઘાઈ આવતા વિમાનોની સંખ્યામાં ડિસઈન્ફેક્શનની પ્રક્રિયામાં ઘટાડો કરવામાં આવ્યો છે.હાલના દિવસોમાં ચીનમાં કોવિડ-19ના વધતાં જતાં કેસોને કારણે અનેક નિયંત્રણો લાગુ કરવામાં આવ્યા છે. ચીનના સિયાન શહેરમાં છેલ્લા કેટલાક દિવસોથી લોકડાઉન લગાવવામાં આવ્યું છે.