એક તરફ વિશ્વભરમાં કોરોનાની ત્રીજી લહેર ધીમે-ધીમે ઓસરી રહી છે ત્યારે ચીનમાં ફરી એકવાર કોરોનાના કેસમાં ઉછાળો આવતા સરકાર તાબડતોબ એક્શનમાં આવી છે અને એન્ટીજન કીટના વપરાશની મંજૂરી આપવાનો નિર્ણય કર્યો છે.
ચીનમાં એન્ટીજન ટેસ્ટ કીટના વપરાશને મળી મંજૂરી
અત્યાર સુધીમાં પ્રથમ વખત કરાશે કોરોનાના ટેસ્ટ
ફરી એકવાર શાંઘાઈ અને વુહાનમાં કોરોનાએ ઉંચક્યું છે માથુ
ઉલ્લેખનીય છે કે, શુક્રવારે વુહાન અને શાંઘાઈમાં ફરી કોરોનાએ માથુ ઉંચકતા શાંઘાઈની શાળાઓ તાત્કાલિક અસરથી બંધ કરવાનો આદેશ આપવામાં આવ્યો છે તો યુદ્ધના ધોરણે કોવિડ હોસ્પિટલોની પણ વ્યવસ્થા કરવામાં આવી રહી છે.
China to introduce rapid antigen tests for first time as COVID19 outbreaks spread: health commission: News agency AFP
કોરોનાના કેસમાં ફરીવાર ઉછાળો આવતા ચીનના આરોગ્ય કમિશન દ્વારા એન્ટીજન ટૅસ્ટની મંજૂરી આપવામાં આવી છે. ન્યૂઝ એજન્સી એએફપી દ્વારા પ્રાપ્ત થયેલી જાણકારી પ્રમાણે, આ પ્રથમ ઘટના છે કે ચીનમાં એન્ટીજન ટેસ્ટની મંજૂરી આપવામાં આવી હોય.
નાગરિકોને કોવિડ ગાઈડલાઈન પાલનના અપાયા આદેશ
ચીની મીડિયાના જણાવ્યા અનુસાર, દેશમાં મહામારીની શરૂઆતમાં વુહાન ફાટી નીકળ્યા પછી, એક જ દિવસમાં સૌથી વધુ કેસ નોંધાયા છે. ચીને કુલ 526 કેસની પુષ્ટિ કરી છે, જે છેલ્લા બે વર્ષમાં એક દિવસમાં ચેપની સૌથી વધુ સંખ્યા છે. તેમાંથી 214 દર્દીઓ લક્ષણો ધરાવતા અને 312 દર્દીઓ લક્ષણો વગરના હતા. ચીને કહ્યું છે કે આટલા બધા કેસ કોવિડ ઝીરો પોલિસી માટે મોટો ફટકો છે. તે જ સમયે, ચીનમાં સૌથી વધુ કોરોના કેસ નોંધાયા બાદ અન્ય દેશો પણ એલર્ટ થઈ ગયા છે. નાગરિકોને કોરોના નિયમો (કોવિડ માર્ગદર્શિકા)નું પાલન કરવાનું કહેવામાં આવ્યું છે.
મીડિયા રિપોર્ટ્સ અનુસાર, ચીનના કિંગદાઓ શહેરમાં ઓમિક્રોનના 88 નવા કેસ નોંધાયા છે. ઓમિક્રોનનો ભોગ બનેલા તમામ લોકો વિદ્યાર્થીઓ હોવાનું કહેવાય છે. એવું કહેવામાં આવી રહ્યું છે કે આ વર્ષે ચીનમાં ચેપના એક દિવસમાં આ સૌથી વધુ કેસ છે.