ચીન ઘણા લાંબા સમયથી વિશ્વના વાતાવરણને બગાડવામાં કોઈ કસર છોડી રહ્યું નથી. ચીનનો ભારત સહિત લગભગ દરેક પાડોશી દેશ સાથે વિવાદ છે. હવે ચીને જગત જમાદાર અમેરિકાને ધમકી આપી છે.
રાષ્ટ્રપતિની ચૂંટણી સમયે ચીને અમેરિકાને આપી ધમકી
ચીને કહ્યું તાઇવાન સાથેના તમામ હથિયાર કરાર રદ્દ કરે અમેરિકા
ચીન-અમેરિકાના સંબંધોને પહોંચી શકે છે નુકસાન
ઉલ્લેખનીય છે કે, અમેરિકામાં એક તરફ રાષ્ટ્રપતિની ચૂંટણીનો માહોલ ચાલી રહ્યો છે ત્યારે ડ્રેગને આ રીતે ધમકી આપતા માહોલ વધુ ગરમાયો છે. નોંધનીય છે બુધવારે ચીને સંકલ્પ લીધો હતો કે જો અમેરિકા તાઇવાનને શસ્ત્રો વેચવાની યોજના સાથે આગળ વધે તો તેને 'વ્યાજબી અને જરૂરી' જવાબ આપવામાં આવશે.
60 કરોડ ડોલરના સૈન્યિક ડ્રોનનું કર્યું વેચાણ
ચીનના વિદેશ મંત્રાલયના પ્રવક્તા વાંગ વેનબિને કહ્યું હતું કે તાઇવાનને 60 કરોડ ડોલરના સૈન્યિક ડ્રોનનું વેચાણ "ચીનની આંતરિક બાબતોમાં એકદમ દખલ અને ચીનની સાર્વભૌમત્વ અને સુરક્ષા હિતોની ગંભીર અવગણના છે."
ચીને કહ્યું તમામ હથિયાર કરાર રદ્દ કરે અમેરિકા
વાંગે પત્રકારો સાથેના વાતચીત કરતા કહ્યું હતું કે, અમેરિકાએ તાઇવાન સાથે કરેલ તમામ હથિયારી કરારો રદ્દ કરવા જોઇએ જેથી ચીન-અમેરિકાના સંબંધો અને તાઇવાનની સ્થિરતા અને નુકસાન થતું બચાવી શકે છે.
ચીન તાઇવાન પર પોતાનો દાવો કરી રહ્યું છે
નોંધનીય છે કે ચીન તાઇવાન પર પોતાનો દાવો કરે છે. વાંગે કહ્યું હતું કે ઉદ્ભવતી પરિસ્થિતિને અનુરૂપ યોગ્ય અને જરૂરી જવાબો આપવામાં આવશે. નોંધપાત્ર વાત એ છે કે યુએસ વિદેશ વિભાગે મંગળવારે કહ્યું કે તેણે તાઇવાનને શસ્ત્રો અને અન્ય સાધનોથી સજ્જ ચાર આધુનિક-વર્ગના ડ્રોન વેચવાની મંજૂરી આપી છે.