ચીને રશિયાની S-400 મિસાઇલ પ્રણાલીનું કર્યું સફળ પરીક્ષણ

ચીને રશિયાની એસ-400 મિસાઇલ હવાઇ રક્ષા પ્રણાલીનું સફળ પરીક્ષણ કર્યું છે. અમેરિકા તરફથી પ્રતિબંધ લગાવવાની આશંકાઓ હોવાં છતાં તાજેતરમાં જ ભારતે પણ આ મિસાઇલ રક્ષા પ્રણાલી માટે રશિયા સાથે સમજૂતી પર હસ્તાક્ષર કરેલ છે.

ચીનની સેનાએ 2015માં થયેલ ત્રણ અરબ ડૉલરનાં કરાર બાદ રશિયા સાથે ગઇ જુલાઇ મહિનામાં જ આ પ્રણાલીની અંતિમ કન્સાઇનમેન્ટ પ્રાપ્ત કરી હતી. ત્યાર બાદ ચીન દ્વારા કરવામાં આવેલ આ પ્રણાલીનું આ પ્રથમ પરીક્ષણ છે.

સમાચાર પત્ર 'સાઉથ ચાઇના મોર્નિંગ પોસ્ટ'એ રશીયા મીડિયાનાં ખબરોને લઇને જણાવ્યું કે ચીનની પીપુલ્સ લિબરેશન આર્મીએ ગયા મહીને જ એસ-400 મિસાઇલ હવાઇ રક્ષા પ્રણાલીનું સફળ પરીક્ષણ કર્યું અને આને ત્રણ કિ.મી પ્રતિ સેકન્ડની સુપરસોનિક સ્પીડથી લગભગ 250 કિ.મીનાં અંતર પર એક 'કૃત્રિમ બેલિસ્ટિક લક્ષ્ય'ને ભેદ્યું.