1 ફેબ્રુઆરીએ રજૂ થનારા બજેટ પર દેશના લોકોની નજર છે. ગયા વર્ષે એટલે કે 2019-20 માટે રૂ 27 લાખ 86 હજાર 349 કરોડનું બજેટ રજૂ થયું હતું, જે વર્ષ 2018-19ના બજેટ કરતા 13.4% વધારે છે. ગયા વર્ષના ભારતના બજેટ કરતા તો ચીન ફક્ત શિક્ષણ પર વધારે ખર્ચ કરે છે. 2019-20માં આપણા દેશનું શિક્ષણ બજેટ 94 હજાર 854 કરોડ રૂપિયા હતું જયારે ઓક્ટોબર 2019 સુધીમાં ચીને શિક્ષણ પાછળ 29.58 લાખ કરોડ રૂપિયા ખર્ચ કર્યા છે. ભારત અને ચીનના બજેટમાં શિક્ષણનો ખર્ચ જો જોવામાં આવે તો માલુમ પડે છે કે ચીન શિક્ષણ પાછળ ભારત કરતા તોતિંગ 30 ગણો વધુ ખર્ચ કરે છે.
આપણું શિક્ષણ બજેટ 65 હજાર કરોડ અને હેલ્થ બજેટ 94854 કરોડ રૂપિયા છે, ચીને હેલ્થ પાછળ 1.46 કરોડ રૂપિયાનો ખર્ચ કર્યો
અમેરિકાનું 2019-2020માં સંરક્ષણ બજેટ 51.21 લાખ કરોડ રૂપિયા છે જેમાં હેલ્થ પર 88 લાખ કરોડ અને શિક્ષણ પાછળ 4.56 લાખ કરોડ રૂપિયા ખર્ચ કરવા આવ્યા છે
ચીનના સરકારી આંકડા મુજબ, ઓક્ટોબર 2019 સુધી તેણે શિક્ષણ પર 2876.8 અબજ યુઆન (29 લાખ 58 હજાર કરોડ) ખર્ચ કર્યા છે. 2018-19માં આપણું સંરક્ષણ બજેટ 4 લાખ 31 હજાર 011 કરોડ રૂપિયા હતું. તેમાંથી 3 લાખ 5 હજાર 296 કરોડ રૂપિયા ત્રણેય સેના માટે હતા. બીજી બાજુ 2019-20 માં યુએસનું સંરક્ષણ બજેટ 18 718 અબજ ડોલર (રૂ. 51.21 લાખ કરોડ) હતું, જે આપણા કુલ બજેટથી લગભગ બમણું છે.
સંરક્ષણ: ચીન આપણાથી 4 ગણો તો અમેરિકા આપણાથી 17 ગણો વધુ ખર્ચ કરે છે
અમેરિકા વિશ્વના સંરક્ષણ પાછળ સૌથી વધુ ખર્ચ કરે છે. USAએ 2019-20ના બજેટમાં સંરક્ષણ ખર્ચ માટે 718 અબજ ડોલર એટલે કે 51.21 લાખ કરોડ રૂપિયા રાખ્યા હતા. ચીનનું સંરક્ષણ બજેટ પણ 177.6 અબજ ડોલર (12.61 લાખ કરોડ રૂપિયા) છે. જો અમેરિકા અને ચીનના સંરક્ષણ બજેટની સરખામણી ભારતના સંરક્ષણ બજેટ સાથે કરવામાં આવે તો અમેરિકા ભારતની સરખામણીમાં સંરક્ષણ પાછળ 17 ગણા વધુ ખર્ચ કરે છે જયારે ચીન 4 ગણો વધુ ખર્ચ કરે છે.
2019-20માં ભારતનું સંરક્ષણ બજેટ 3 લાખ 5 હજાર 296 કરોડ રૂપિયા હતું. બીજી તરફ પાકિસ્તાને ભારતીય ચલણ મુજબ 53 હજાર 164 કરોડ અને બાંગ્લાદેશને 2019-20 ના બજેટમાં સંરક્ષણ માટે 27 હજાર 340 કરોડ રૂપિયા રાખ્યા હતા.
2019-20માં આપણા દેશનું શિક્ષણ બજેટ 94 હજાર 854 કરોડ રૂપિયા હતું. જ્યારે યુ.એસ.નું શૈક્ષણિક બજેટ 64 અબજ ડોલર (4.56 લાખ કરોડ રૂપિયા) છે. એટલે કે અમેરિકાનું શિક્ષણ બજેટ ભારત કરતા 4 ગણું છે. ચીનના સરકારી આંકડા મુજબ, ઓક્ટોબર 2019 સુધીમાં ચીને શિક્ષણ પાછળ 29.58 લાખ કરોડ રૂપિયા ખર્ચ કર્યા છે.
ગયા બજેટમાં સરકારે આરોગ્ય માટે 64 હજાર 999 કરોડ રાખ્યા હતા. ભારતની વસ્તી 131 કરોડ છે. જો સ્વાસ્થ્ય બજેટમાં માથાદીઠ ખર્ચની ગણતરી કરવામાં આવે તો ભારતના દરેક વ્યક્તિના સ્વાસ્થ્ય પર વાર્ષિક 500 રૂપિયાથી ઓછા ખર્ચ કરવામાં આવે છે.
યુએસનું આરોગ્ય બજેટ 88.66 લાખ કરોડ રૂપિયા (1,248.8 અબજ) છે. ચીને ઓક્ટોબર 2019 સુધીમાં આરોગ્ય પર 1.46 લાખ કરોડ રૂપિયા (2,876.8 અબજ યુઆન) ખર્ચ્યા છે.