BIG NEWS / PM મોદી અમેરિકામાં આ ખાસ બેઠક કરે તે પહેલા જ ચીન ફફડયું, નિવેદન જાહેર કરી ઓક્યું ઝેર

• PM મોદીનો અમેરિકા પ્રવાસ 
• આજે જ બાયડન સાથે કરશે મોટી બેઠક 
• QUAD દેશોની બેઠક પહેલા ચીન ફફડી ઉઠ્યું 

સુપરપાવર અમેરિકામાં દેખાશે મોદી પાવર 
પીએમ નરેન્દ્ર મોદી થોડી જ ક્ષણોમાં અમેરિકાનાં રાષ્ટ્રપતિ જૉ બાયડન સાથે બેઠક કરવાના છે. મોદી અને બાયડન વચ્ચેની પહેલી મુલાકાત પર દુનિયાભરની નજર છે, ખાસ કરીને આપણાં દેશનાં પાડોશી દુશ્મન દેશોની. આ સિવાય પીએમ મોદી ક્વોડ દેશની બેઠકમાં ભાગ લેવાના છે, આ ક્વોડમાં જપાન, ઓસ્ટ્રેલીયા અને અમેરિકા ભારતની સાથે છે. આ મહત્વપૂર્ણ બેઠક શરૂ થાય તે પહેલા જ ચીન ફફડી ઉઠ્યું છે.  પીએમ મોદી સહિતનાં નેતા ચીન સામે કોઈ રણનીતિ બનાવી શકે તેમ છે ત્યારે ડ્રેગનનાં પેટમાં તેલ રેડાઈ રહ્યું હોય તેવા સંકેત મળી રહ્યા છે.  આ સિવાય અમેરિકા પાકિસ્તાન સામે પણ કોઈ મોટા એક્શન લઈ શકે છે. 

શું કહ્યું ડ્રેગને? 
અમેરિકામાં ક્વોડની મીટિંગ શરૂ થાય તે પહેલા જ ચીને ઝેર ઓકયું છે. ચીની વિદેશ મંત્રાલયનાં પ્રવક્તા ઝાઓ લિઝિયાને કહ્યું કે શુક્રવારે કહ્યું કે આ પ્રકારે નાના જૂથો દ્વારા બેઠકો કરવાથી કશું મળવાનું નથી અને આ બધુ સમયનાં વિરુદ્ધ થઈ રહ્યું છે, આવા જૂથને કોઈનું સમર્થન હાંસલ થશે નહીં. તેમણે કહ્યું કે ચાર દેશોનાં સંગઠને કોઈ ત્રીજા દેશને નિશાને લેવા જોઈએ નહીં. 

તે અહિયાં જ ન રોકાયા પોતાના વખાણ કરતાં તેમણે કહ્યું કે ચીન હંમેશા માને છે કે ક્યારેય ત્રીજા દેશને ટાર્ગેટ કરવા જોઈએ નહીં. કોઈ એક દેશની વિરુદ્ધમાં બંધ સમૂહનું ગઠન વર્તમાન આકાંક્ષાઓની વિરોધમાં છે અને તેને કોઈ સમર્થન કરશે નહીં. 

આજે જ ત્રણ ટોપનાં નેતાઓ સાથે પીએમ મોદીએ કરી હતી બેઠક 
નોંધનીય છે કે આજે પીએમ મોદીએ અમેરિકામાં ઉપરાષ્ટ્રપતિ કમલા હેરિસ તથા ઓસ્ટ્રેલીયા અને જપાનનાં વડાપ્રધાન સાથે બેઠક કરીને ચર્ચા કરી હતી. અમેરિકામાં કમલા હેરિસની સાથે સાથે જપાન અને ઓસ્ટ્રેલીયાનાં વડાપ્રધાન સાથે પણ પીએમ મોદીએ મુલાકાત કરી છે ત્યારે ભારતમાંથી પીએમ ઘણા બધી ભેટ પણ લઈ ગયા છે. અમેરિકામાં ખાસ લોકો સાથે બેઠક બાદ પીએમ મોદીએ દુનિયાના ટોપ નેતાઓને ખાસ ગિફ્ટ આપી છે. કમલા હેરિસને પીએમ મોદીએ તેમના દાદાજીથી સાથે જોડાયેલી કેટલીક સૂચનાઓની કોપી ગિફ્ટ આપી છે. આ ખાસ કોપીને ફ્રેમ કરવામાં આવી છે. નોંધનીય છે કે કમલા હેરિસનાં દાદાજી સન્માનિત સરકારી અધિકારી હતા અને તેમણે ઉચ્ચ પદો પર તેઓએ સેવા આપી હતી. આ સિવાય તેમણે હેરિસને ગુલાબી મીનાકારી સાથે ચેસનો સેટ ગિફ્ટ આપ્યો છે. નોંધનીય છે કે આ ચેસ ખૂબ જ ખાસ છે કારણ કે તે કાશી સાથે જોડાયેલ છે. આ ચેસમાં એક એક મોહરા પર ખૂબ જ બારીક હાથો દ્વારા જ નકશીકામ કરવામાં આવ્યું છે. આ પહેલા પીએમ મોદીએ ઑસ્ટ્રેલિયાનાં સ્કોટ મોરિસન સાથે મુલાકાત કરી હતી જેમા તેમણે ગુલાબી મીનકારી વાળા જહાજ તેમને ભેટ આપ્યા છે. આ જહાજ હાથોથી જ તૈયાર કરવામાં આવ્યા છે. જપાનનાં પ્રધાનમંત્રી યોશીહીદે સુગા સાથે મીટિંગ બાદ પીએમ મોદીએ તેમને ચંદનનાં બુદ્ધની પ્રતિમા ગિફ્ટ આપી છે. ખાસ વાત છે કે જપાન અને ભારત વચ્ચેનાં સંબંધનોમાં બૌદ્ધ પંરપરાની ખૂબ જ મોટી ભૂમિકા છે. ભગવાન બુદ્ધનાં વિચાર અને આદર્શ જપાનમાં દૂર દૂર સુધી રહે છે. નોંધનીય છે કે પીએમ મોદી જપાન ગયા ત્યારે તેઓ બુદ્ધ મંદિરોમાં ગયા હતા.

પાકિસ્તાન પર અમેરિકા લગાવી શકે છે પ્રતિબંધ 
અફઘાનિસ્તાનમાંથી અમેરિકાએ પોતાની સેના પાછી બોલાવી અને તે બાદ તાલિબાન રાજની સાથે સાથે વધતાં આતંકવાદનાં કારણે વિશ્વભરમાં અમેરિકાની જબરદસ્ત બદનામી થઈ રહી છે. રાષ્ટ્રપતિ બાયડનનાં નિર્ણયો સામે પણ સવાલો ઊભા કરવામાં આવી રહ્યા છે ત્યારે હવે અમેરિકા પાકિસ્તાન સામે કોઈ મોટો નિર્ણય લેવાની તૈયારીમાં હોય તેવું માનવામાં આવી રહ્યું છે. અમેરિકામાં પાકિસ્તાન સામે જબરદસ્ત ગુસ્સો છે અને સંસદમાં પાકિસ્તાન સામે કાર્યવાહીની માંગ ઉઠી રહી છે. એવામાં પાકિસ્તાનમાં ઈમરાન સરકાર અને સેનામાં જોરદાર ચિંતા ફેલાઈ ગઈ છે. પાકિસ્તાનનાં પ્રધાનમંત્રી ઈમરાન ખાન કેટલાય મહિનાથી બાયડન સાથે ફોન પર વાતચીત થાય તેની રાહ જોઈ રહ્યા છે પરંતુ હજુ સુધી શક્ય બન્યું નથી. હાલમાં જ સૂત્રો અનુસાર સમાચાર સામે આવ્યા હતા કે પાકિસ્તાની સેનાના પ્રમુખ બાજવાએ ચિંતા વ્યક્ત કરી હતી કે અમેરિકા ગમે ત્યારે પાકિસ્તાન પર કડક પ્રતિબંધો લગાવી શકે છે.