ધમકી / 'બોયકોટ ચાઈના'થી ચિડાયેલા ચીને કહ્યું ભારત અમારું કંઈ બગાડી નહીં શકે કારણ કે ભારતીયો...

• બોયકોટ ચાઈનાથી ચીન લાલઘૂમ 
• ચીનનો બહિષ્કાર ભારતના લોકોને જ ભારે પડશે : ચીન
• ભારતના લોકોના રોજીંદા જીવનમાં ચીની વસ્તુઓની માગ : ચીન 

ચીની સામાનનો શરુ થયો બહિષ્કાર 

ચીન સાથે ભારતની સરહદ પર તણાવના કારણે સોનમ વાંગચુકે પણ વીડિયો શેર કરીને અપીલ કરી હતી કે આપણે ચીનની વસ્તુઓનો બહિષ્કાર કરવો જોઈએ. જે બાદ રીમૂવ ચાઈના એપ્સ નામક એક એપ્લીકેશન પણ ખૂબ પ્રચલિત થઇ જે મોબાઈલમાંથી ચીનની દરેક એપ ડિલીટ કરી દેતી હતી. 

ચીનના ગ્લોબલ ટાઈમ્સમાં આપવામાં આવેલ અહેવાલ અનુસાર ભારતના નાગરિકોના રોજીંદા જીવનમાં ચીનની વસ્તુઓ એ રીતે ઉપયોગમાં આવી રહી છે કે તેને બદલવી ખૂબ અઘરી છે.

ચીનનો બહિષ્કાર ભારતના લોકોને જ ભારે પડશે : ચીન

ભારતીયોની આ ચળવળના કારણે ચીન લાલઘૂમ થઇ ગયું છે. ચીનનો આરોપ છે કે રાષ્ટ્રવાદી શક્તિઓના કારણે ચીન વિરુદ્ધ આ અભિયાન ચાલી રહ્યું છે અને રાષ્ટ્રવાદીઓ અને મીડિયા ચીનને બદનામ કરી રહ્યા છે. સરહદ પર તણાવ કંઈ એટલો ગંભીર નથી છતાં તેને વધારીને બતાવવામાં આવી રહ્યો છે. ચીનના નિષ્ણાતોએ ચેતવણી આપી કે ચીનની સસ્તી ચીજ-વસ્તુઓ માર્કેટમાં પહેલી પસંદ છે જેથી ચીનનો બહિષ્કાર કરવો એ ભારતના લોકોને જ ભારે પડશે. 

ભારતમાં ચીનની ડીમાન્ડ હંમેશા રહેશે : ચીન 

Institute of South Asian Studiesના Lou Chunhaoએ કહ્યું કે આ કંઈ પહેલીવાર નથી ક્યારે ભારતે આવી ધમકી આપી હોય. જ્યારે પણ ભારત-ચીનના સંબંધોમાં ખટાશ આવે છે ત્યારે ત્યારે ભારતમાં આવી માગ ઉઠે છે. Lou Chunhaoનું માનવું છે કે ભારતની સરકાર અત્યારે મેન્યુફેક્ચરિંગ સેક્ટરને બુસ્ટ કરવા માંગે છે પણ ભારતમાં ચીની વસ્તુઓની માગ જેવી છે તેવી જ રહેશે. 

નોંધનીય છે કે ભારતમાં સ્માર્ટફોન માર્કેટમાં 72 ટકા હિસ્સો ચીનનો જ છે. આ જ કારણ છે કે ચીની વિશેષજ્ઞો હજુ કૂદી રહ્યા છે. આ સિવાય ટેલિવિઝનમાં પણ ચાઇનીઝ સ્માર્ટ ટીવીની માગ વધારે છે. એવામાં ભારત અને ચીન વચ્ચે વર્ષ 2019માં 93 બિલિયન ડોલરનો વેપાર થયો છે.