ભારતના મક્કમ વલણ સામે ચીન ઝૂક્યું છે. ચીને RCEP કરાર અંગે ફેર વિચારણાની ખાતરી આપી છે...ચીને ભારતની માંગ પર વિચાર કરવાની બાંહેધરી આપી છે. આપને જણાવી દઈએ કે ભારતે RCEP કરારમાં ન જોડાવા માટે નિર્ણય કર્યો હતો. ભારતે પોતાના કેટલાક હિત ન સચવાતા હોવાનું કારણ ધર્યું હતું.
ભારતના મક્કમ વલણ સામે ઝૂક્યું ચીન
RCEP કરાર અંગે ફેર વિચારણની આપી ખાતરી
ચીને કહ્યું ભારતની માંગ પર કરીશું વિચાર
જો કે ભારતને RCEPમાં ચીનના દબદબા સામે વાંધો હતો. મહત્વનું છે કે,પ્રધાનમંત્રી નરેન્દ્ર મોદી થાઇલેન્ડના પ્રવાસના ત્રીજા દિવસે 14માં ઇસ્ટ એશિયા શિખર સમ્મેલનમાં સામેલ થયા હતા. આ બેઠકનો એજેન્ડા પૂર્વી એશિયાના દેશો સાથે સહયોગની દિશામાં સમીક્ષા કરવો તેમજ સ્થાનિક અને આંતરરાષ્ટ્રીય મુદ્દાઓને લગતા વિચારોનું આદાન પ્રદાન કરવાનો હતો.
જો કે આ બેઠકમાં ભારતે દક્ષિણ પૂર્વી અને પૂર્વ એશિયાના 16 દેશો વચ્ચે મુક્ત વેપાર વ્યવસ્થા માટે RCEP કરાર પર સહી કરવાથી ઇનકાર કરી દીધો હતો. આ બેઠકમાં ભારતની માંગણીઓનો સ્વીકાર થયો ન હતો.
કરારની જોગવાઇઓ દેશના નાગરિક હિતોને અનુકૂળ નથી.આથી વર્તમાન પરિસ્થિતિમાં ભારત RCEPમાં સામેલ થઇ રહ્યું નથી. જો કે હાલ ચીને ભારતની માંગ પર વિચાર કરવાની બાંહેધરી આપી છે.