ચીનના પૂર્વી જિઆંગસૂમાં ગંભીર અકસ્માતની ઘટના બની છે. યાત્રીઓથી ભરેલી બસ અને ટ્રક વચ્ચે અકસ્માત સર્જાતા 36 લોકોના મોત નીપજ્યા છે. તો અન્ય 36 લોકો ઘાયલ છે જેમાં 9 લોકો ગંભીર રીતે ઘાયલ થયા છે તો 26ને ઈજાઓ થઈ છે.
ચીનના પૂર્વી જિઆંગસૂમાં થયો અકસ્માત
યાત્રીઓથી ભરેલી બસ અને ટ્રક વચ્ચે થયો અકસ્માત
36 લોકોના મોત, 36 લોકો થયા ઘાયલ
ચીનના પૂર્વી જિઆંગસૂમાં શનિવારની રાત્રે ગંભીર અકસ્માત થયો છે. આ અકસ્માતમાં 36 લોકોના મોત થયા છે તો 36 લોકો ઘાયલ થયા છે. ઘાયલોમાં 9 લોકોની હાલત હજુ પણ ગંભીર છે. એક્સપ્રેસ વે પર થયેલા આ અકસ્માતના કારણે ચાંગચુન-શેન્જેન એક્સપ્રેસ વે લગભગ 8 કલાક બાદ ફરી ખૂલ્યો છે.
2015માં અકસ્માતના કારણે થયા હતા 58 હજાર લોકોના મોત
ચીનમાં અકસ્માતના બનાવો બનતા રહે છે. ટ્રાફિક નિયમોના ઉલ્લંઘનને કારણે આવી ઘટનાઓ વધારે બને છે. ઉલ્લેખનીય છે કે ચીનમાં ગંભીર સડક અકસ્માતમાં 2015માં 58 હજાર લોકોના મોત થયા હતા. તો ટ્રાફિક નિયમના ઉલ્લંઘનને કારણે લગભગ 90 ટકા દુર્ઘટનાઓ બની હતી.
The accident is caused by a flat tire on the left front wheel of the bus, according to a preliminary investigation. https://t.co/wNd7giFmsw
નવેમ્બર 2016માં ચીન શન્શી હાઈવે પર પણ અકસ્માત થયો હતો. તેમાં એક પછી એક 37 ગાડીઓ અથડાઈ હતી. જેમાં મોટાભાગે લોડિંગ ગાડીઓ હતી. તેમાં 4 લોકોના મોત થયા હતા અને 40થી વધારે લોકો ઘાયલ થયા હતા.