ચિંતાજનક / કોરોના બાદ હવે ચીનથી વધુ એક બીમારીની ખતરાની ઘંટી! માણસમાં વાયરસના સ્ટ્રેન મળતા તાત્કાલિક એડવાઇઝરી જાહેર

•  ચીનમાં એવિયન ઈંફ્લૂએન્ઝાના અનેક સ્ટ્રેન હાજર 
•  41 વર્ષીય પુરુષમાં આ બર્ડ ફ્લૂનું સંક્રમણ જોવા મળ્યું
• H10N3 બર્ડ ફ્લૂનો પહેલો માનવ સંક્રમણનો મામલો 

H10N3 બર્ડ ફ્લૂનો પહેલો માનવ સંક્રમણનો મામલો 

ચીનના રાષ્ટ્રીય સ્વાસ્થ્ય આયોગે મંગળવારે જાણકારી આપી છે કે દેશના જિઆંગસૂ પ્રાંતમાં  H10N3 બર્ડ ફ્લૂનો પહેલો માનવ સંક્રમણનો મામલો સામે આવ્યો છે. આનો મતલબ છે કે H10N3 બર્ડ ફ્લૂનું સંક્રમણ પહેલી વાર કોઈ વ્યક્તિમાં જોવા મળ્યું છે આ સંક્રમણ એક પુરુષમાં જોવા મળ્યું છે.

 41 વર્ષીય પુરુષમાં આ બર્ડ ફ્લૂનું સંક્રમણ જોવા મળ્યું

જિઆંગસૂ પ્રાંતના જેનજિયાંગ શહેરમાં એક 41 વર્ષીય પુરુષમાં આ બર્ડ ફ્લૂનું સંક્રમણ જોવા મળ્યું છે. એવું મનાઈ રહ્યું છે કે મરઘી પાલનથી આ બર્ડ ફ્લૂ ફેલાયો છે અને મોટા સ્તર પર આના ફેલાવાનો ખતરો ઘણો ઓછો છે. આયોગની સત્તાવાર વેબસાઈટ પર લખવામાં આવેલા એક નિવેદનના આધાર પર આ જાણકારી સામે આવી છે. રાષ્ટ્રીય સ્વાસ્થ્ય આયોગે કહ્યુ કે દુનિયામાં હજું સુધી H10N3 બર્ડ ફ્લૂનું માનવ સંક્રમણનો કોઈ મામલો નોંધાયો નથી.

28 મેએ આ વ્યક્તિમાં H10N3 બર્ડ ફ્લૂ વાયરસની પુષ્ટિ થઈ

આયોગે જાણકારી આપી છે કે 28 એપ્રિલે વ્યક્તિને હોસ્પિટલમાં દાખલ કરવામાં આવ્યો હતો. વ્યક્તિને તાવ અને અન્ય લક્ષણો જોવા મળ્યા હતા. એક મહિના બાદ એટલે કે 28 મેએ આ વ્યક્તિમાં H10N3 બર્ડ ફ્લૂ વાયરસની પુષ્ટિ થઈ છે. જો કે આયોગનું કહેવું છે કે આ વાયરસ હજુ એટલો ખતરનાક નથી.

 ચીનમાં એવિયન ઈંફ્લૂએન્ઝાના અનેક સ્ટ્રેન હાજર 

ત્યારે પીડિત વ્યક્તિની સ્થિતિ હવે સામાન્ય છે અને જલ્દી જ તેને હોસ્પિટલમાંથી ડિસ્ચાર્જ કરી દેવામાં આવશે. ત્યારે વ્યક્તિના સંપર્કમાં આવેલા લોકોમાં આ સંક્રમણ નથી જોવા મળ્યુ. ઉલ્લેખનીય છે કે ચીનમાં એવિયન ઈંફ્લૂએન્ઝાના અનેક સ્ટ્રેન હાજર છે અને આમાંથી કેટલાક માણસોને સંક્રમિત કરી ચૂક્યા છે.