પરીક્ષણ / ચીને ચુપકેથી એવું પરીક્ષણ કર્યુ કે દુનિયા હચમચી ગઈ,વાત બહાર આવતા જાણો શું કહ્યું

• ચીને હાઈપરસોનિક મિલાઈનું પરીક્ષણ ખોટું ગણાવ્યું 
• એક રિપોર્ટ અનુસાર ચીને થોડા સમય પહેલા મિસાઈલ લોન્ચ કરી
• હાઈપર સોનિક મિસાઈલથી બચવું આસાન નથી 

ચીને હાઈપરસોનિક મિલાઈનું પરીક્ષણ ખોટું ગણાવ્યું 

સોમવારે ચીનના વિદેશ મંત્રાલયના પ્રવક્તા ઝાઓ લિજિયાને હાઈપરસોનિક મિસાઈલનું પરીક્ષણ ખોટું ગણાવ્યું હતું. તેમણે કહ્યું કે જુલાઈ મહિનામાં રૂટિન ટેસ્ટ કરવામાં આવ્યો હતો. જેથી વિવિધ પ્રકારની સ્પેસક્રાફ્ટ ટેકનોલોજીની તપાસ કરી શકાય. તેમણે કહ્યું કે, હાયપરસોનિક મિસાઈલ નહીં પણ એક સ્પેસક્રાફ્ટ હતું.જે રૂટિન સ્પેસક્રાફ્ટના ઉપયોગનો ખર્ચ ઘટાડવો ખૂબ જ જરૂરી હતું

એક રિપોર્ટ અનુસાર ચીને થોડા સમય પહેલા હાઈપરસોનિક મિસાઈલ લોન્ચ કરી
 

તેમણે વધુમાં જણાવ્યું હતું કે, ઘણા દેશોએ અગાઉ પણ ઘણા પરીક્ષણો કર્યા છે. પરીક્ષણ મામલે જ્યારે ઝાઓને પૂછવામાં આવ્યું કે, શું બ્રિટીશ મિડીયોનો અહેવાલ ખોટો છે, ત્યારે આ બાબતે સંમત થયા, તમને જણાવી દઈએ કે, એક બ્રિટીશ મીડિયા અહેવાલ અનુસાર કહેવામાં આવ્યું હતું કે ચીને થોડા સમય પહેલા હાઈપરસોનિક મિસાઈલ લોન્ચ કરી હતી.આ રિપોર્ટમાં એવું પણ લખવામાં આવ્યું હતું કે ઓછી ભ્રમણકક્ષાની જગ્યામાં મુસાફરી કરતી વખતે આ મિસાઈલ પોતાના લક્ષ્યને નાના માર્જિનથી ચૂકી ગઈ હતી.

હાઈપર સોનિક મિસાઈલથી બચવું આસાન નથી 

સોમવારે યુએસએના નિરસ્ત્રીકરણ રાજદૂત રોબર્ટ વુડે કહ્યું કે, અમેરિકા આ મામલે ચિંતિત છે અને હાઈપરસોનિક ટેકનોલોજીનો સૈન્યમાં ઉપયોગ કરવામાં ખચકાટ અનુભવે છે. જો કે,રશિયા અને ચીન આ ટેકનોલોજીને લઈને ખૂબ ઝડપથી આગળ વધી રહ્યા છે, તેથી અમેરિકા પણ આ મામલે સક્રિય બન્યું છે. એક પત્રકાર પરિષદમાં તેમણે કહ્યું કે હાયપરસોનિક ટેકનોલોજીથી આત્મરક્ષણ કેવી રીતે કરવું તે હજુ સુધી અમને જાણવા મળ્યું નથી. માત્ર અમેરિકા જ નહીં પણ ચીન અને રશિયા પણ આ ટેકનોલોજીથી પોતાને કેવી રીતે બચાવવા તે જાણતા નથી.

USA,ચીન, રશિયા અને ઉત્તર કોરિયા હાઇપરસોનિક ટેકનોલોજી પર કામ કરી રહ્યા છે

એક અહેવાલમાં એવો પણ દાવો કરવામાં આવ્યો છે કે, કેટલાક મહાસત્તા દેશોએ ક્રુઝ અને બેલિસ્ટિક મિસાઈલો સામે રક્ષણ માટે સિસ્ટમો તૈયાર કરી છે, પરંતુ હાઇપરસોનિક મિસાઇલો અંગે આવા દાવા કરી શકાતા નથી. ખાસ કરીને આ મિસાઇલોને ટ્રેક કરવી ખૂબ જ મુશ્કેલ છે.જો કોઈ દેશ હાયપરસોનિક મિસાઈલ લોન્ચ કરે તો તેને એન્ટી ડિફેન્સ મિસાઈલ સિસ્ટમની મદદથી રોકવું લગભગ અશક્ય બની જશે. મહત્વનું છે કે, અમેરિકા, ચીન, રશિયા અને ઉત્તર કોરિયા હાઇપરસોનિક ટેકનોલોજી પર કામ કરી રહ્યા છે.