અમેરિકા અને ઓસ્ટ્રેલિયાને ઘેરવા માટે હવે ચીને નવી ચાલ રમી છે. ચીન હવે પ્રશાંત સાગરમાં પોતાની સ્થિતિ મજબૂત ક રવાના પ્રયાસ કરી રહ્યું છે. તાજેતરમાં જ ચીને પ્રશાંત મહાસાગરના કિરિબાતીમાં પોતાનું દૂતાવાસ શરૂ કર્યું છે અને હવે ચીન કિરિબાતીમાં મિલિટ્રી બેસ બનાવવાની તૈયારી કરી રહ્યું છે.
અમેરિકાને ઘેરવા માટે ચીનની નાપાક ચાલ
પ્રશાંત મહાસાગરના કિરિબાતીમાં ચીને શરુ કર્યું દૂતાવાસ
કિરિબાતીમાં મિલિટ્રી બેસ બનાવવાની તૈયારીમાં છે ચીન
આ સાથે જ નેવલ બેસ પણ બનાવવા માટે વિચારણા કરી રહ્યું છે. જો કિરિબાતીમાં મિલ્ટ્રી બેસ બનશે તો મહાસત્તા અમેરિકા અને ઓસ્ટ્રેલિયાની ચિંતામાં વધારો થશે. રણનીતિક રૂપે કિરિબાતી મહત્વપૂર્ણ લોકેશન છે. કિરિબીતાની રાષ્ટ્રપતિ ટેનેટી મમાઉ તાજેતરમાં બીજી વાર ચૂંટણી જીત્યા છે અને તે ચીન સમર્થક છે. ચીને 1.16 લાખની વસ્તી વાળા આ દેશને અબજો ડોલરની લોન આપી છે.
કોરોના મામલે ચીન અને અમેરિકા વચ્ચે તણાવ ચરમસીમાએ
કોરોના વાયરસ મામલે ચીન અને અમેરિકા વચ્ચે તણાવ ચરમસીમાએ છે. ત્યારે હવે ચીને પ્રશાંત સાગરમાં દબદબો વધારવાનું શરૂ કર્યું છે. કિરિબાતીથી અમેરિકા 8 હજાર 738 કિમી દૂર છે. જ્યારે કિરિબાતીથી ઓસ્ટ્રેલિયા 6 હજાર 592 કિમી દૂર છે. જેથી આ બન્ને દેશને ચીનથી ખતરો થઈ શકે છે. અમેરિકાએ પણ તાજેતરમાં ચીનને જવાબ આપવા માટે સાઉથ એશિયામાં સેના વધારી છે.
આ સાથે જ અમેરિકાએ કહ્યું છે કે જો તણાવ વધશે તો પ્રશાંત મહાસાગરમાં તૈનાત અમેરિકી સૈનિકો ચીનને જવાબ આપશે. બીજી તરફ કિરિબાતી ઓસ્ટ્રેલિયા પર નિર્ભર છે. ચીનની દખલ અંદાજીથી હવે ઓસ્ટ્રેલિયા અને ચીન વચ્ચે વિવાદ વધી શકે છે. ચીન ઓસ્ટ્રેલિયાથી આયાત થતા સામાન પર પ્રતિબંધ લગાવી દીધો છે. સાથે જ ચીને પોતાના નાગરિકોને પણ ઓસ્ટ્રેલિયાની યાત્રા ન કરવા માટે જણાવ્યું છે.