ઉઈઘુર મુસ્લિમ સમૂદાયની સાથે અણછાજતા વ્યવહારથી ગુસ્સે ભરાયેલા અમેરિકાએ ચીની કંપનીઓ પર પ્રતિબંધ મૂકી દેતા ચીન ગિન્નાયું છે.
ચીને ઉઈઘુર મુસ્લિમ સાથે કર્યો અણછાજતો વ્યવહાર
ચીનના આ વ્યવહારથી દુખી અમેરિકાએ ભર્યું પગલું
કેટલીક ચીની કંપનીઓના ઉપકરણોના વેચાણ પર મૂકયો પ્રતિબંધ
ચીને પણ વળતો જવાબ આપવાની આપી ધમકી
ચીને અમેરિકાને સીધી ધમકી પણ આપી દીધી છે. ચીની વાણિજ્યક મંત્રાલયે જણાવ્યું કે અમેરિકાનું આ પગલું ચીની ઉદ્યમોનું ગેરવ્યાજબી દમન અને આંતરરાષ્ટ્રીય આર્થિક અને વેપાર નિયમોનું ગંભીર ઉલ્લંઘન છે.
ચીની મંત્રાલયે એક નિવેદનમાં જણાવ્યું કે ચીની કંપનીઓના કાનૂની અધિકારો તથા હિતોની રક્ષા માટે જરુરી ઉપાયો કરવામાં આવશે.
અમેરિકાએ ચીની કંપનીઓ પર મૂકયો પ્રતિબંધ
અમેરિકી વાણિજ્યક વિભાગે એક નિવેદનમાં જણાવ્યું કે ઈલેક્ટ્રોનિક્સ અને ટેકનોલોજી કંપનીઓ તથા વેપારના બીજા યુનિટોએ શિનજિઆંગ પ્રાંતમાં ઉઈઘુરોની સામે ચીન સરકારના દમન, સામૂહિક અટકાયતમાં મદદ કરી છે. તેથી અમેરિકા કેટલીક ચીની કંપનીઓના ઉપકરણ અને બીજા સામાનોના વેચાણ કરવા પર દંડ લાગુ પાડ્યો છે.