એક તરફ ભારત અને ચીન વચ્ચે સીમા વિવાદ ચાલી રહ્યો ત્યારે આ તરફ ચીનના નિયામકે ચીની શાખા સહિતની 105 એપ્લિકેશનો હટાવવા માટેના આદેશ જાહેર કર્યા છે. ચીની સરકારને પોતાના આ પગલાને પોર્નોગ્રાફી અને અન્ય અયોગ્ય સામગ્રી વિરૂદ્ધની કડક કાર્યવાહી ગણાવી હતી.
ચીને 105 એપ્સ પર મુક્યો પ્રતિબંધ
ટ્રિપએડવાઇઝર નામની જાણીતી એપ્સનો પણ સમાવેશ
અશ્લીલતા અંગેની ફરિયાદોનું દર્શાવ્યું કારણ
આપને જણાવી દઇએ કે, રાષ્ટ્રીય સાઇબર સ્પેસ પ્રશાસકે આ અઠવાડિયાના એક આદેશમાં એપ સ્ટોર પરથી ટ્રિપ એડવાઇઝર સહિતની 105 એપ્સ હટાવવા માટેના આદેશ આપ્યા છે. જો કે, આ એપ્સ પર બેન મુકવા પાછળના કોઇ ચોક્કસ કારણો દર્શાવવામાં આવ્યા નથી.
અશ્લીલતા અંગેની ફરિયાદોનું દર્શાવ્યું કારણ
આ પ્રતિબંધ બાદના નિવેદનમાં કહેવામાં આવ્યું છે કે આ એપ્સ વિશે અશ્લીલ અને હિંસક સામગ્રી અથવા છેતરપિંડી, જુગાર અને વેશ્યાવૃત્તિ અંગે ફરિયાદો મળી હતી. શાસક કમ્યુનિસ્ટ પાર્ટી ચાઇનીઝ લોકો ઓનલાઇન શું જોઈ શકે છે તેના પર ચુસ્તપણે નિયંત્રણ રાખે છે.
ટ્રિપએડવાઇઝર ચાઇના પણ હટાવવાનો આપ્યો આદેશ
ટ્રિપએડવાઇઝર ચાઇના એ ટ્રિપએડવાઇઝર અને તેના ચીની ભાગીદાર ટ્રીપ.કોમનું સંયુક્ત સાહસ છે. સમાચાર એજન્સી પી.ટી.આઈ.ના જણાવ્યા અનુસાર હાલમાં તેમણે આ સંદર્ભે મોકલેલા ઇમેઇલનો જવાબ આપ્યો નથી.