ચીને એકવાર ફરી આંતરરાષ્ટ્રીય મંચ પર પાકિસ્તાનની મદદ કરી છે. ચીને પોતાના મિત્ર પાકિસ્તાનની ફાયનેન્શિયલ એક્શન ટાસ્ક ફોર્સ (FATF) માં બ્લેક લિસ્ટ થયા બચાવ્યું છે. ગ્રે લિસ્ટમાં ચાલી રહેલા પાકિસ્તાનને આતંકી ફન્ડિંગ પર લગામ લગાવવાની છે. અને એ માટે 18 મહીનાનો નેગોસિએશન પીરિયડ છે. પરંતુ પાકિસ્તાન 27 માપદંડમાંથી 24માં હજુ પણ નિષ્ફળ રહ્યું છે.
હવે પાક. ને ઓક્ટોબરની બેઠક સુધી સમય મળ્યો છે. ભારતે તેને બ્લેક લિસ્ટ કરવા મોશન મૂવ કર્યું હતું. આપને જણાવીએ કે, FATF વિભિન્ન દેશો પર આતંકી ફન્ડિંગ રોકવા નજર રાખે છે. ફેબ્રુઆરી 2019માં પાકને ખરી ખોટી સંભળાવતા ચેતવણી પણ આપી હતી. ફાઇનેન્શિયલ એક્શન ટાસ્ક ફોર્સે કહ્યું હતું કે, લશ્કર, જૈશ અને જમાત ઉદ દાવા જેવા આતંકવાદી સંગઠનોને ફન્ડિંગ પર લગામ લગાવવામાં પાકિસ્તાન નિષ્ફળ નીવડ્યું છે.
પાકિસ્તાને આ રણનીતિક ખામીઓને દૂર કરવા માટે કામ કરવું જોઇએ. પાકિસ્તાન આ આતંકી સંગઠનો, અલ કાયદા, જમાત-ઉદ-દાવા અને તેના અંગ ફલહ-એ-ઇન્સાનિયત ફાઉન્ડેશન, લશ્કર-એ-તૈયબાસ જૈશ-એ-મોહમ્મદ, હક્કાની નેટવર્ક અને તાલિબાન સાથે જોડાયેલા લોકોથી ઉભો થયેલા ખતરાનું સાચું આકલન દર્શાવતું નથી.
FATFએ કહ્યું હતું કે આંતકી ફન્ડિંગ રોકવા માટે જે એક્શન પ્લાનની ડેડલાઇન જાન્યુઆરી 2019 હતી તેના પર પાકિસ્તાને થોડી પ્રગતિ દર્શાવી છે. FATFએ પાકિસ્તાનને ચેતવણી આપતા મે 2019 સુધી ટારગેટ પૂર્ણ કરવાનો નિર્દેશ આપ્યો છે.