અંતરિક્ષ / ચીને ચંદ્રની સપાટી પર ઉતાર્યુ યાન, જો આ મિશન સફળ થયું તો ચીન કરશે એવું કે...

• જો આ મિશન સફળ થયું તો ચીન કરશે આવું
• ચંદ્રની સપાટી પર 44 વર્ષ બાદ બન્યુ છે આવું
• ચીનના 2 મિશન ચાંદની સપાટી પર પહેલાથી કાર્યરત 

ચંદ્રની સપાટી પર 44 વર્ષ બાદ બન્યુ છે આવું

ચંદ્રની સપાટી પર 44 વર્ષ બાદ એવું યાન ઉતર્યું છે જે ત્યાંથી માટીના નમૂના લઈને પાછું ફરશે. આ પહેલા રુસના લૂના 24 મિશન 22 ઓગસ્ટ 1976ના રોજ ચંદ્રની સપાટી પર ઉતર્યું હતુ. ત્યારે લૂના પોતાની સાથે ચાંદથી 200 ગ્રામ માટી લઈને પાછું ફર્યુ હતુ. જ્યારે ચીનનું આ સ્પેસક્રાફ્ટ પોતાની સાથે 2 કિલોગ્રામ માટી લઈને પાછું ફરશે.

The Chang'e-5 successfully landed on the near side of the moon, the China National Space Administration (CNSA) announced on Tuesday. pic.twitter.com/DY2B7xKGg1

— CGTN (@CGTNOfficial) December 1, 2020

આ અંતરિક્ષયાન ચંદ્રમાની સપાટી પર પૂર્વ નિર્ધારિત જગ્યાની બિલકુલ નજીક ઉતર્યું છે. જ્યારે તેનું ઓર્બિટર હજું ચંદ્રની સપાટી પર ચક્કર લગાવી રહ્યું છે.  લેન્ડર ચંદ્રની જમીન ખોદી માટી કાઢશે. એ બાદ તે માટી લઈને અસેન્ડરની પાસે જશે. અસેન્ડર નમૂનાને કેપ્સલમાં રાખી ચંદ્રની સપાટી પરથી ઉડશે અને અંતરિક્ષમાં ચક્કર કાપી  રહેલા પોતાના મેન યાન સાથે જોડાઈ જશે. આ સમગ્ર મિશનને 23 દિવસનો સમય લાગશે. 
 
 

ચીનના 2 મિશન ચાંદની સપાટી પર પહેલાથી કાર્યરત 

ચીનના 2 મિશન ચાંદની સપાટી પર પહેલાથી હાજર છે. એમાં ચેંગ-ઈ -3 નામનું સ્પેસક્રાફ્ટ 2013માં ચાંદની સપાટી પર પહોંચ્યું હતુ. જ્યારે જાન્યુઆરી 2019માં ચેંગ ઈ-4 ચાંદની સપાટી પર લેન્ડર અને યુટુ-2 રોવરની સાથે લેન્ડ કર્યું હતું. જણાવવામાં આવી રહ્યું છે કે આ મિશન અત્યારે પણ એક્ટિવ છે.

જો આ મિશન સફળ થયું તો ચીન કરશે આવું

ચીની મિશન જો સફળ થઈ જાય છે તો તેની ચંદ્રને લઈને સમજ વધશે અને તેનાથી તેને ચંદ્ર પર વસવાટ કરવામાં મદદ મળશે. ચીને અંતરિક્ષ યાનને ચાંદ સુધી પહોંચવા લાંગ માર્ચ -5 રોકેટનો ઉપયોગ કર્યો છે. આ રોકેટ તરલ કેરોસિન અને તરલ ઓક્સીજનની મદદથી ચાલે છે. ચીન આ મહાશક્તિશાળી રોકેટ 187 ફુટ લાંબુ અને 870 ટન વજનનું છે.