વિશ્વ / PM મોદી અને ડોનાલ્ડ ટ્રમ્પની બેઠકથી તમતમી ગયું ચીન, ચિંતા કરી જાહેર

ચીનના વિદેશ મંત્રાલયે એક નિવેદન જારી કરીને કહ્યું કે દ્વિપક્ષીય સહયોગમાં ચીનને મુદ્દો ન બનાવવો જોઈએ અને તેનાથી કોઈ ત્રીજા દેશના હિતોને નુકસાન ન થવું જોઈએ.

વડા પ્રધાન નરેન્દ્ર મોદી અને અમેરિકાના રાષ્ટ્રપતિ ડોનાલ્ડ ટ્રમ્પ વચ્ચેની મુલાકાત પર કડક પ્રતિક્રિયા આપતા બેઇજિંગે શુક્રવારે કહ્યું કે દ્વિપક્ષીય સહયોગમાં ચીનને મુદ્દો ન બનાવવો જોઈએ અને તેનાથી કોઈ ત્રીજા દેશના હિતોને નુકસાન ન થવું જોઈએ.

ચીનના વિદેશ મંત્રાલયના પ્રવક્તા ગુઓ જિયાકુને મોદી અને ટ્રમ્પ વચ્ચેની મુલાકાત અંગે કહ્યું કે એશિયા-પ્રશાંત શાંતિપૂર્ણ વિકાસનું કેન્દ્ર છે, ભૂ-રાજકીય સ્પર્ધાનો વિસ્તાર નથી.

View this post on Instagram

A post shared by VTV Gujarati News and Beyond (@vtv_gujarati_news)

શાંતિ સ્થિરતા માટે અનુકૂળ હોવી જોઈએ - ચીન

એક પ્રશ્નના જવાબમાં ગુઓએ કહ્યું કે ચીન માને છે કે દેશો વચ્ચેના સંબંધો અને સહયોગમાં ચીનને લક્ષ્ય બનાવવું જોઈએ નહીં કે બીજાના હિતોને નુકસાન પહોંચાડવું જોઈએ નહીં અને શાંતિ, સ્થિરતા અને સમૃદ્ધિ માટે અનુકૂળ હોવું જોઈએ. તેમણે કહ્યું કે ખાસ જૂથો બનાવવા અને જૂથવાદી રાજકારણ અને જૂથવાદી ટકરાવમાં જોડાવાથી સુરક્ષા મળશે નહીં અને તે કોઈપણ રીતે એશિયા-પ્રશાંત અને સમગ્ર વિશ્વને શાંતિપૂર્ણ અને સ્થિર રાખશે નહીં.

મોદી અને ટ્રમ્પ વચ્ચે શું ચર્ચા થઈ?

મોદી અને ટ્રમ્પ વચ્ચેની વાતચીતમાં રક્ષા સહયોગને મજબૂત બનાવવા ઉપરાંત અમેરિકા અને ભારત વચ્ચે ઘનિષ્ઠ સાજેદારીને સ્વતંત્રતા, ખુલ્લા, શાંતિપૂર્ણ અને સમૃદ્ધ હિંદ-પ્રશાંત ક્ષેત્ર માટે મહત્વપૂર્ણ હોવાનું સહિત વિવિધ મુદ્દા પર ચર્ચા થઇ.

મોદી અને ટ્રમ્પ વચ્ચેની ગુરુવારે વાતચીત પછી જારી કરાયેલા સંયુક્ત નિવેદનમાં કહેવામાં આવ્યું છે કે બંને દેશો ભારત-અમેરિકા સંરક્ષણ સંબંધોને આગળ વધારવા માટે સંમત થયા છે અને 21મી સદી માટે એક નવી પહેલ શરૂ કરી છે - 'યુએસ-ઇન્ડિયા કોમ્પેક્ટ' (લશ્કરી ભાગીદારી, ત્વરિત વાણિજ્ય અને ટેકનોલોજી માટે તકોનું સર્જન). શરુ કરી છે.

બંને નેતાઓએ એ વાતની પણ પુષ્ટિ કરી કે યુનાઇટેડ સ્ટેટ્સ અને ભારત વચ્ચેની ગાઢ ભાગીદારી એક સ્વતંત્ર, ખુલ્લા, શાંતિપૂર્ણ અને સમૃદ્ધ હિંદ-પ્રશાંત ક્ષેત્ર માટે મહત્વપૂર્ણ છે. આ સાથે તેમણે અન્ય મુદ્દાઓની સાથે ક્વાડ ભાગીદારીને મજબૂત બનાવવા વિશે પણ વાત કરી.

આ પણ વાંચોઃ ભારત-અમેરિકા વચ્ચે F 35 ફાઈટર જેટ ડીલ થતાં પાકના પેટમાં રેડાયું તેલ, શાંતિ આવી યાદ

ભારત ક્વાડ એલાયન્સનો સભ્ય છે, જેમાં અમેરિકા, જાપાન અને ઓસ્ટ્રેલિયાનો સમાવેશ થાય છે. ચીન ક્વાડ વિશે ચિંતિત છે અને કહે છે કે આ જોડાણનો હેતુ તેના ઉદયને રોકવાનો છે.

અમેરિકાના રાષ્ટ્રપતિએ બીજા કાર્યકાળ માટે પદભાર સંભાળ્યાના અઠવાડિયા પછી વડા પ્રધાન મોદી અને ટ્રમ્પ વચ્ચેની મુલાકાતને લઈને ચીનમાં હલચલ ચાલી રહી છે, ખાસ કરીને નવી દિલ્હી અને વોશિંગ્ટન વચ્ચે રક્ષા સહયોગના ક્ષેત્રમાં નિકળનારા પરિણામને લઇને.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ