ઘર્ષણ / 30 દેશોના સૈન્ય સંગઠને ચીનને આપી ધમકી, એક-એક હરકત પર છે નજર...

• ચીન NATO દેશોના રડાર પર છે : હેચીસન 
• ચીનની એક એક હરકત પર નજર રાખવામાં આવી રહી છે : નાટોના પ્રતિનિધિ 
• બીજી તરફ અમેરિકામાં એક અહેવાલમાં ચીન વિશે મોટો ધડાકો 

નાટોની ચીન પર નજર 

NATOના અમેરિકામાં એક ટોચના દૂતે કહ્યું છે કે ચીન નાટો સેનાઓની રડાર પર છે અને તેના દરેક પગલાં પર નજર રાખવામાં આવી રહી છે. તેમણે કહ્યું કે ચીન તેના આક્રામક વલણના કારણે નાટોની રડાર પર છે અને આ પહેલા આ સંગઠને ક્યારેય ચીનને આટલો મોટો ખતરો નથી માન્યો. બીજી તરફ અમેરિકાની થિંક ટેંકમાં ધડાકો કર્યો છે કે ચીન ભારત-અમેરિકાના સંબંધોને બગાડવા માંગે છે જેથી બંને દેશોએ અત્યારે સતર્ક થઇ જવાની જરૂર છે. 

બેલી હેચીસને કહ્યું કે ચીન એક શાંતિપૂર્ણ સાથી થઇ શકતો હતો અને વેપારમાં પણ તે એક સારો સહયોગી દેશ બની શકતો હતો, પણ આવું દેખાઈ નથી રહ્યું. મને લાગે છે કે નાટો દેશ ચીન પર નજર રાખી રહ્યા છે અને તે વાતનું નિરીક્ષણ કરી રહ્યા છે કે ચીન શું કરી રહ્યું છે. 

ભારત અને તાઈવાન સાથે ચીનના વલણ પર હેચીસને કહ્યું કે તે અમારી રડારમાં જ છે અને મને લાગે છે કે આવું થવું જ જોઈએ કારણ કે અમે ખતરાનું નિરીક્ષણ કર રહ્યા છે. અમને આશા છે કે બધું સારું થઇ જશે પણ ખરાબ પરિસ્થિતિ માટે તૈયાર રહેવું જોઈએ.

ભારત અને અમેરિકાના ગાઢ સંબંધો પર ચીનની નજર 

આ સિવાય અમેરિકામાં એક રિપોર્ટ સામે આવી છે જેમાં ખુલાસો કરવામાં આવ્યો છે કે ચીનનું સૌથી મોટું લક્ષ્ય છે વિશ્વના સૌથી મોટા લોકતંત્ર ભારતથી દરેક પડકારનો સામનો કરવો અને પછી અમેરિકા સાથે તેના ગાઢ સંબંધોને બગડવા. અહેવાલમાં એમ પણ કહેવામાં આવ્યું કે ચીન માટે ભારત જ સૌથી મોટો પડકાર છે. 

શું છે નાટો : 

નાટો 30 દેશોની સેનાનું સંગઠન છે જેની સ્થાપના ચોથી એપ્રિલ વર્ષ 1949માં કરવામાં આવી હતી. આ દેશો કોઈ પણ દેશ પર હુમલા થવા પર એકબીજાને સામજિક અને આર્થિક સહયોગ કરે છે.  તાજેતરમાં જ અમેરિકાની સંસદમાંથી પસાર કરવામાં આવેલ પ્રસ્તાવ અનુસાર અમેરિકા ભારત સાથે પણ નાટો દેશો જેવો જ વ્યવહાર અને સહયોગ કરશે. અમેરિકાની સેનેટે પણ તેને મંજૂરી આપી દીધી હતી.