ફરી એક વાર ગંદી ચાલ રમતા ચીને વાસ્તવિક નિયંત્રણ રેખા નજીક ચીને 50 હજાર સૈનિકો તૈનાત કર્યા છે.
ચીને ફરી એકવાર ભારત સામે ગંદી ચાલ રમી
વાસ્તવિક નિયંત્રણ રેખા નજીક ચીને 50 હજાર સૈનિકો તૈનાત કર્યા
ભારતે પણ પૂરતી તૈયારી કરી
બોર્ડર પર મોટી સંખ્યામાં સ્ટ્રાઈક કૉર્પ્સ તૈનાત કર્યા
પૂર્વ લદાખમાં LAC પર ચાલી રહેલા વિવાદને પતાવવા માટે ભારત અને ચીન વચ્ચે અનેક સ્તરની વાતચીત ચાલુ છે. એક બાજુ વાતચીતના ઢોંગ કરતું ચીન તેની ગંદી હરકતોથી બાજ આવી રહ્યું નથી...વાતચીતની બીજી બાજુ ભારતીય બોર્ડર પર ચીને તૈના સૈનિકોની સંખ્યા વધારી દીધી છે....અને મોટી સંખ્યામાં જવાનો તૈનાત કરી દીધા છે.
આ તરફ ભારતે પણ સ્થિતિની ગંભીરતાને સમજતા LAC પર જવાનોનો મોટો કાફલો ખડકી દીધો છે...વૉલ સ્ટ્રીટ જર્નલમાં પ્રકાશિત થયેલા એક રિપોર્ટ મુજબ ગત વર્ષે ગલવાનમાં થયેલી હિંસા પછી ચીને તે સ્થળે સૈનિકોની સંખ્યા ખુબ જ વધારી દીધી છે...આ વખતે વધુ 15 હજાર જવાનોને ખડકી દીધા છે...જેના કારણે પૂર્વ લદાખમાં ચીનના કુલ જવાનોની સંખ્યા 50 હજાર જેટલી થઈ ગઈ છે.
ભારતે પણ સંપૂર્ણ તૈયારીઓ કરી
LAC પર સ્થિતિની ગંભીરતાને જોતા અને ચીનની ગંદી ચાલને સમજતા ભારતે પણ સંપૂર્ણ તૈયારીઓ કરી લીધી છે...ભારતે બોર્ડર પર મોટી સંખ્યામાં સ્ટ્રાઈક કૉર્પ્સ તૈનાત કર્યા છે. મથુરાની વન સ્ટ્રાઈક કૉર્પ્સને લદાખમાં ઉત્તરી બોર્ડર પર મોકલવામાં આવી છે. તો 17 માઉન્ટન સ્ટ્રાઈક કૉર્પ્સને વધુ 10 હજાર જવાન ફાળવાયા છે. અને તેમને ઉત્તર પૂર્વના રાજ્યોની જવાબદારી સોંપાઈ છે. ભારતીય વાયુસેનાએ પણ પોતાની રીતે તૈયારીઓ શરૂ કરી દીધી છે.
રાફેલની સાથે સાથે મિગ-29 અને સૂ-30 જેટની ટુકડી ઉત્તરની બોર્ડર પર સક્રિય રહેશે..
રાફેલની સાથે સાથે મિગ-29 અને સૂ-30 જેટની ટુકડી ઉત્તરની બોર્ડર પર સક્રિય રહેશે. તો રાફેલની બીજી સ્ક્વાડ્રનને પણ ઓપરેશન માટે તૈનાત કરવામાં આવી શકે છે...આ સાથે ભારતે ટી-90 ભીષ્મ ટેન્ક, પિનાકા રોકેટ, અપાચે હેલિકોપ્ટર, ચિનૂક હેલિકોપ્ટર બોર્ડર તૈનાત કર્યા છે...ભારતીય સેનાએ LAC પર પહેલી વખત K-9 તોપો પણ લગાવી દીધી છે.
આપને જણાવી દઈએ કે ભારત અને ચીન વચ્ચે ચાલી રહેલા આ વિવાદના સમાધાન માટે અત્યાર સુધી અનેક વખત વાતચીત થઈ છે...અનેક સ્તરની વાતચીત થઈ છે...અને અંતિમ તબક્કાની વાર્તા 25 જૂની થઈ હતી. ગત વર્ષથી જ બન્ને દેશ વચ્ચે વિવાદ ચાલી રહ્યો છે. અનેક સ્તરની વાતચીત પછી ફેબ્રુઆરીમાં પૈગોન્ગ ઝીલના ઉત્તર અને દક્ષિણ કિનારાથી સૈનિકોને હટાવી લેવાયા હતા. પરંતુ હવે ફરી એક વખત ગત વર્ષ જેવી સ્થિતિનું નિર્માણ થવા જઈ રહ્યું છે.